Búgin QR Qarjy ministrliginiń alqa májilisinde QR Premer-Ministriniń birinshi orynbasary Álihan Smaiylov zańsyz saýda ainalymyna tosqaýyl qoiýǵa qatysty tapsyrma berdi, dep habarlaidy QazAqparat.
«Qarjy ministrligi aldynda basymdyqty tranzittik baǵyttar boiynsha keden beketterin jańǵyrtý men avtomattandyrý, sondai-aq kedendik rásimdeý ýaqytyn 5 esege qysqartý mindeti tur», - dedi Á. Smaiylov.
Sonymen qatar ol shekarada zańsyz taýar ainalymyna tosqaýyl qoiýǵa qatysty tapsyrma berdi.
«Qarjy ministrligi múddeli memlekettik organdarmen jáne «Atameken» UKP-men birlese naýryz aiynyń sońyna deiin shekarada zańsyz saýda ainalymyna qarsy is-qimyl keshendi jospary boiynsha qadamdardy ázirlep, Úkimettiń qaraýyna engizýi kerek», - dedi Úkimet basshysynyń orynbasary.
