Úkimet eldiń kólik jáne tranzittik áleýetin barynsha paidalaný jóninde usynys engizýi qajet. Bul týraly Atyraý oblysynyń áleýmettik-ekonomikalyq damý máseleleri jónindegi keńeste Memleket basshysy Qasym-Jomart Toqaev aitty, dep habarlaidy "Ult aqparat".
«Meniń tapsyrmammen Úkimet jáne Prezident Ákimshiligi jol sapasyna qatysty jumystarda aitarlyqtai kemshilik jibergen tulǵalarǵa qatysty kadrlyq sheshim qabyldady. Bul jumys Úkimet pen ákimderdiń únemi baqylaýynda bolýy tiis. Jergilikti deńgeidegi problemalar men kemshilikterdi tyńǵylyqty retteý talap etiledi jáne qajet bolǵan jaǵdaidy tiisti sheneýnikter jazalansyn. Onsyz oń nátijege qol jetkizý múmkin emes», - dedi Memleket basshysy.
QR Prezidenti jol qurylysy salasyndaǵy standarttardyń múltiksiz saqtalýyna baqylaýdy kúsheitý boiynsha keshendi is-sharalar qabyldaý qajettigin basa nazar aýdartty.
«Sondai-aq Úkimetten eldiń kólik jáne tranzittik áleýetin barynsha paidalaný jóninde usynys engizýdi ótinemin. Olar jol salý jáne paidalaný máselelerine ǵana qatysty bolmaýy tiis. Problemalardyń búkil keshenin sheshý qajet. Onyń sheteldik seriktestermen kelissózder jumysy, shekaradan jyldam ótý máselesi, joldy paidalanǵany úshin aqy alýdy engiý bar. Básekelestik artyp keledi. Bir orynda turyp qalýǵa bolmaidy», - dedi Qasym-Jomart Toqaev.
