ٷكٸمەت ەلدٸڭ كٶلٸك جەنە ترانزيتتٸك ەلەۋەتٸن بارىنشا پايدالانۋ جٶنٸندە ۇسىنىس ەنگٸزۋٸ قاجەت. بۇل تۋرالى اتىراۋ وبلىسىنىڭ ەلەۋمەتتٸك-ەكونوميكالىق دامۋ مەسەلەلەرٸ جٶنٸندەگٸ كەڭەستە مەملەكەت باسشىسى قاسىم-جومارت توقاەۆ ايتتى, دەپ حابارلايدى "ۇلت اقپارات".
«مەنٸڭ تاپسىرماممەن ٷكٸمەت جەنە پرەزيدەنت ەكٸمشٸلٸگٸ جول ساپاسىنا قاتىستى جۇمىستاردا ايتارلىقتاي كەمشٸلٸك جٸبەرگەن تۇلعالارعا قاتىستى كادرلىق شەشٸم قابىلدادى. بۇل جۇمىس ٷكٸمەت پەن ەكٸمدەردٸڭ ٷنەمٸ باقىلاۋىندا بولۋى تيٸس. جەرگٸلٸكتٸ دەڭگەيدەگٸ پروبلەمالار مەن كەمشٸلٸكتەردٸ تىڭعىلىقتى رەتتەۋ تالاپ ەتٸلەدٸ جەنە قاجەت بولعان جاعدايدى تيٸستٸ شەنەۋنٸكتەر جازالانسىن. ونسىز وڭ نەتيجەگە قول جەتكٸزۋ مٷمكٸن ەمەس», - دەدٸ مەملەكەت باسشىسى.
قر پرەزيدەنتٸ جول قۇرىلىسى سالاسىنداعى ستاندارتتاردىڭ مٷلتٸكسٸز ساقتالۋىنا باقىلاۋدى كٷشەيتۋ بويىنشا كەشەندٸ ٸس-شارالار قابىلداۋ قاجەتتٸگٸن باسا نازار اۋدارتتى.
«سونداي-اق ٷكٸمەتتەن ەلدٸڭ كٶلٸك جەنە ترانزيتتٸك ەلەۋەتٸن بارىنشا پايدالانۋ جٶنٸندە ۇسىنىس ەنگٸزۋدٸ ٶتٸنەمٸن. ولار جول سالۋ جەنە پايدالانۋ مەسەلەلەرٸنە عانا قاتىستى بولماۋى تيٸس. پروبلەمالاردىڭ بٷكٸل كەشەنٸن شەشۋ قاجەت. ونىڭ شەتەلدٸك سەرٸكتەستەرمەن كەلٸسسٶزدەر جۇمىسى, شەكارادان جىلدام ٶتۋ مەسەلەسٸ, جولدى پايدالانعانى ٷشٸن اقى الۋدى ەنگٸۋ بار. بەسەكەلەستٸك ارتىپ كەلەدٸ. بٸر ورىندا تۇرىپ قالۋعا بولمايدى», - دەدٸ قاسىم-جومارت توقاەۆ.
