Kreativti indýstriiany damytý tujyrymdamasyn Úkimet ázirleitin bolady.
Bul týraly Premer-Ministrdiń birinshi orynbasary Álihan Smaiylovtyń tóraǵalyǵymen ótken Ekonomikanyń kreativti sektoryn damytý jónindegi jumys tobynyń otyrysy kezinde belgili boldy, dep habarlaidy Úkimettiń baspasóz qyzmeti.
Osy jylǵy 1 tamyzǵa deiin ázirleý josparlanǵan qujatta memlekettiń kreativti kásipkerlikti damytý, shyǵarmashylyq ónimderdi eksporttyq naryqqa shyǵarý, shyǵarmashylyq indýstriia úshin kadrlardy daiarlaý jáne qaita daiarlaý, daryndy qazaqstandyqtardy qoldaý, ziiatkerlik menshikti basqarý jáne ózge de sharalar kórinis tabatyn bolady.
Eske salaiyq, Memleket basshysy Qasym-Jomart Toqaev buǵan deiin Úkimetke kreativti ekonomikany damytýdyń negizgi tásilderin ázirleýdi tapsyrǵan bolatyn, al 17 naýryzda Almaty qalasyn odan ári damytý máseleleri jónindegi keńeste ony normativtik-quqyqtyq retteýdi pysyqtaý qajettigi týraly aitty.
Tujyrymdama halyqaralyq uiymdarmen, azamattyq qoǵammen, biznes ókilderi jáne sarapshylarmen birlese otyryp jasalady.
Shyǵarmashylyq indýstriialardy damytý jónindegi jobalyq keńseniń jetekshisi Danat Jýminniń aitýynsha,kreativti indýstriia baǵytynda birqatar uiymdar birlese jumys isteýge niet bildirip otyr. Olardyń arasynda IýNESKO men Britandyq keńestiń, sondai-aq «Atameken» UKP, Qazaqstannyń shyǵarmashylyq kásipkerler qaýymdastyǵy, Túrkitildes elderdiń shyǵarmashylyq indýstriialary qaýymdastyǵy, Almaty qalasynyń shyǵarmashylyq indýstriia keńesi, Women in Creative Industries, Eýraziialyq is-sharalar qaýymdastyǵy otandyq Juzz Entertainment (Ninety One, Alba, Dna) leibly, Jaidarman qazaq KVN ligasy jáne taǵy basqalary bar. Sonymen qatar qujatty jazýǵa shyǵarmashylyq odaqtardy, óndiristik ortalyqtardy, tanymal sáýletshilerdi, sýretshilerdi, qolónershilerdi, mýzykanttardy jáne shyǵarmashylyq naryqtyń basqa qatysýshylaryn tartý josparlanyp otyr.
Britandyq keńestiń mádenieti men kreativti ekonomikasy boiynsha jobalardyń jetekshisi Galina Koretskaia Úkimettiń shyǵarmashylyq sektordy damytýǵa degen kózqarasy osy saladaǵy halyqaralyq sarapshylardyń usynystaryna tolyq sáikes keletindigin jáne qazaqstandyq tájiribe tek qana Ortalyq Aziia elderi úshin ǵana emes, sonymen qatar basqa damýshy elder úshin de úlgi bola alatynyn atap ótti.
Óz kezeginde Shyǵarmashylyq kásipkerler qaýymdastyǵynyń basqarma tóraǵasy Ernar Qurmashev el Úkimetine shyǵarmashylyq indýstriialarǵa kóńil bólgeni úshin alǵys aitty.
Onyń pikirinshe, búginde shyǵarmashylyq kásipkerlerge memleket tarapynan qoldaý burynǵydan da kóp qajet. Pandemiiaǵa bailanysty shekteýlerdiń saldarynan ondaǵan shyǵarmashylyq biznes qatty zardap shekti.
«Eger memleket bizge senip, shyǵarmashylyq adamdarǵa qoldaý kórsetetin bolsa, onda biz birneshe jyl ishinde osy saladaǵy ónimderdiń eksportyn kem degende 5 esege kóbeitip, el ekonomikasynyń damýyna zor úles qosa alamyz», — dedi E. Qurmashev.
Jumys tobynyń birinshi otyrysyn qorytyndylai kele, Premer-Ministrdiń birinshi orynbasary Álihan Smaiylov kreativti ekonomikanyń damýy birqatar keń aýqymdy máselelerge áser etetindigin jáne tyńǵylyqty jumysty qajet etetindigin atap ótti jáne ministrlikter men ákimdikterge birqatar naqty tapsyrmalar berdi.
