كرەاتيۆتٸ يندۋسترييانى دامىتۋ تۇجىرىمداماسىن ٷكٸمەت ەزٸرلەيتٸن بولادى.
بۇل تۋرالى پرەمەر-مينيستردٸڭ بٸرٸنشٸ ورىنباسارى ەليحان سمايىلوۆتىڭ تٶراعالىعىمەن ٶتكەن ەكونوميكانىڭ كرەاتيۆتٸ سەكتورىن دامىتۋ جٶنٸندەگٸ جۇمىس توبىنىڭ وتىرىسى كەزٸندە بەلگٸلٸ بولدى, دەپ حابارلايدى ٷكٸمەتتٸڭ باسپاسٶز قىزمەتٸ.
وسى جىلعى 1 تامىزعا دەيٸن ەزٸرلەۋ جوسپارلانعان قۇجاتتا مەملەكەتتٸڭ كرەاتيۆتٸ كەسٸپكەرلٸكتٸ دامىتۋ, شىعارماشىلىق ٶنٸمدەردٸ ەكسپورتتىق نارىققا شىعارۋ, شىعارماشىلىق يندۋسترييا ٷشٸن كادرلاردى دايارلاۋ جەنە قايتا دايارلاۋ, دارىندى قازاقستاندىقتاردى قولداۋ, زيياتكەرلٸك مەنشٸكتٸ باسقارۋ جەنە ٶزگە دە شارالار كٶرٸنٸس تاباتىن بولادى.
ەسكە سالايىق, مەملەكەت باسشىسى قاسىم-جومارت توقاەۆ بۇعان دەيٸن ٷكٸمەتكە كرەاتيۆتٸ ەكونوميكانى دامىتۋدىڭ نەگٸزگٸ تەسٸلدەرٸن ەزٸرلەۋدٸ تاپسىرعان بولاتىن, ال 17 ناۋرىزدا الماتى قالاسىن ودان ەرٸ دامىتۋ مەسەلەلەرٸ جٶنٸندەگٸ كەڭەستە ونى نورماتيۆتٸك-قۇقىقتىق رەتتەۋدٸ پىسىقتاۋ قاجەتتٸگٸ تۋرالى ايتتى.
تۇجىرىمداما حالىقارالىق ۇيىمدارمەن, ازاماتتىق قوعاممەن, بيزنەس ٶكٸلدەرٸ جەنە ساراپشىلارمەن بٸرلەسە وتىرىپ جاسالادى.
شىعارماشىلىق يندۋسترييالاردى دامىتۋ جٶنٸندەگٸ جوبالىق كەڭسەنٸڭ جەتەكشٸسٸ دانات جۋميننٸڭ ايتۋىنشا,كرەاتيۆتٸ يندۋسترييا باعىتىندا بٸرقاتار ۇيىمدار بٸرلەسە جۇمىس ٸستەۋگە نيەت بٸلدٸرٸپ وتىر. ولاردىڭ اراسىندا يۋنەسكو مەن بريتاندىق كەڭەستٸڭ, سونداي-اق «اتامەكەن» ۇكپ, قازاقستاننىڭ شىعارماشىلىق كەسٸپكەرلەر قاۋىمداستىعى, تٷركٸتٸلدەس ەلدەردٸڭ شىعارماشىلىق يندۋسترييالارى قاۋىمداستىعى, الماتى قالاسىنىڭ شىعارماشىلىق يندۋسترييا كەڭەسٸ, Women in Creative Industries, ەۋرازييالىق ٸس-شارالار قاۋىمداستىعى وتاندىق Juzz Entertainment (Ninety One, Alba, Dna) لەيبلى, جايدارمان قازاق كۆن ليگاسى جەنە تاعى باسقالارى بار. سونىمەن قاتار قۇجاتتى جازۋعا شىعارماشىلىق وداقتاردى, ٶندٸرٸستٸك ورتالىقتاردى, تانىمال سەۋلەتشٸلەردٸ, سۋرەتشٸلەردٸ, قولٶنەرشٸلەردٸ, مۋزىكانتتاردى جەنە شىعارماشىلىق نارىقتىڭ باسقا قاتىسۋشىلارىن تارتۋ جوسپارلانىپ وتىر.
بريتاندىق كەڭەستٸڭ مەدەنيەتٸ مەن كرەاتيۆتٸ ەكونوميكاسى بويىنشا جوبالاردىڭ جەتەكشٸسٸ گالينا كورەتسكايا ٷكٸمەتتٸڭ شىعارماشىلىق سەكتوردى دامىتۋعا دەگەن كٶزقاراسى وسى سالاداعى حالىقارالىق ساراپشىلاردىڭ ۇسىنىستارىنا تولىق سەيكەس كەلەتٸندٸگٸن جەنە قازاقستاندىق تەجٸريبە تەك قانا ورتالىق ازييا ەلدەرٸ ٷشٸن عانا ەمەس, سونىمەن قاتار باسقا دامۋشى ەلدەر ٷشٸن دە ٷلگٸ بولا الاتىنىن اتاپ ٶتتٸ.
ٶز كەزەگٸندە شىعارماشىلىق كەسٸپكەرلەر قاۋىمداستىعىنىڭ باسقارما تٶراعاسى ەرنار قۇرماشەۆ ەل ٷكٸمەتٸنە شىعارماشىلىق يندۋسترييالارعا كٶڭٸل بٶلگەنٸ ٷشٸن العىس ايتتى.
ونىڭ پٸكٸرٸنشە, بٷگٸندە شىعارماشىلىق كەسٸپكەرلەرگە مەملەكەت تاراپىنان قولداۋ بۇرىنعىدان دا كٶپ قاجەت. پاندەميياعا بايلانىستى شەكتەۋلەردٸڭ سالدارىنان ونداعان شىعارماشىلىق بيزنەس قاتتى زارداپ شەكتٸ.
«ەگەر مەملەكەت بٸزگە سەنٸپ, شىعارماشىلىق ادامدارعا قولداۋ كٶرسەتەتٸن بولسا, وندا بٸز بٸرنەشە جىل ٸشٸندە وسى سالاداعى ٶنٸمدەردٸڭ ەكسپورتىن كەم دەگەندە 5 ەسەگە كٶبەيتٸپ, ەل ەكونوميكاسىنىڭ دامۋىنا زور ٷلەس قوسا الامىز», — دەدٸ ە. قۇرماشەۆ.
جۇمىس توبىنىڭ بٸرٸنشٸ وتىرىسىن قورىتىندىلاي كەلە, پرەمەر-مينيستردٸڭ بٸرٸنشٸ ورىنباسارى ەليحان سمايىلوۆ كرەاتيۆتٸ ەكونوميكانىڭ دامۋى بٸرقاتار كەڭ اۋقىمدى مەسەلەلەرگە ەسەر ەتەتٸندٸگٸن جەنە تىڭعىلىقتى جۇمىستى قاجەت ەتەتٸندٸگٸن اتاپ ٶتتٸ جەنە مينيسترلٸكتەر مەن ەكٸمدٸكتەرگە بٸرقاتار ناقتى تاپسىرمالار بەردٸ.
