Qasym-Jomart Toqaev Qostanai oblysynda orman órtinen zardap shekken azamattarmen kezdesti, dep habarlaidy "Ult aqpaart" Aqordaǵa silteme jasap.
Shuǵyl áreket etý shtaby otyrysynan keiin Memleket basshysy orman órtinen zardap shekken Amanqaraǵai aýylynyń aýmaǵyn aralady.
Memleket basshysy Áýliekól aýylyndaǵy mektepte ornalasqan evakýatsiialaý pýnktinde zardap shekken azamattarmen kezdesip, gýmanitarlyq kómek taratý pýnktine bardy.
Zardap shekkendermen kezdesý barysynda Qasym-Jomart Toqaev Úkimet qiyn jaǵdaidy eńserý úshin barlyq sharalardy qabyldaitynyn aitty.
– Ókinishke qarai, úlken órt boldy. Degenmen tiisti kómek kórsetiledi. Sizderdiń baspanasyz qalǵandaryńyzdy bilemin. Úkimet eki, eki jarym aida sizderge burynǵydan áldeqaida jaqsy jańa úiler salyp beredi, – dedi Memleket basshysy.
Prezident eriktilermen áńgimelesip, olarǵa kórsetken kómegi úshin alǵys aitty.
