قاسىم-جومارت توقاەۆ قوستاناي وبلىسىندا ورمان ٶرتٸنەن زارداپ شەككەن ازاماتتارمەن كەزدەستٸ, دەپ حابارلايدى "ۇلت اقپاارت" اقورداعا سٸلتەمە جاساپ.
شۇعىل ەرەكەت ەتۋ شتابى وتىرىسىنان كەيٸن مەملەكەت باسشىسى ورمان ٶرتٸنەن زارداپ شەككەن امانقاراعاي اۋىلىنىڭ اۋماعىن ارالادى.
مەملەكەت باسشىسى ەۋليەكٶل اۋىلىنداعى مەكتەپتە ورنالاسقان ەۆاكۋاتسييالاۋ پۋنكتٸندە زارداپ شەككەن ازاماتتارمەن كەزدەسٸپ, گۋمانيتارلىق كٶمەك تاراتۋ پۋنكتٸنە باردى.
زارداپ شەككەندەرمەن كەزدەسۋ بارىسىندا قاسىم-جومارت توقاەۆ ٷكٸمەت قيىن جاعدايدى ەڭسەرۋ ٷشٸن بارلىق شارالاردى قابىلدايتىنىن ايتتى.
– ٶكٸنٸشكە قاراي, ٷلكەن ٶرت بولدى. دەگەنمەن تيٸستٸ كٶمەك كٶرسەتٸلەدٸ. سٸزدەردٸڭ باسپاناسىز قالعاندارىڭىزدى بٸلەمٸن. ٷكٸمەت ەكٸ, ەكٸ جارىم ايدا سٸزدەرگە بۇرىنعىدان ەلدەقايدا جاقسى جاڭا ٷيلەر سالىپ بەرەدٸ, – دەدٸ مەملەكەت باسشىسى.
پرەزيدەنت ەرٸكتٸلەرمەن ەڭگٸمەلەسٸپ, ولارعا كٶرسەتكەن كٶمەگٸ ٷشٸن العىس ايتتى.
