Úkimet Dúniejúzilik saýda uiymy shekteýlerin eskere otyryp biznesti qoldaýdyń jańa sharalaryn qabyldaýy qajet. Bul týraly Úkimettiń keńeitilgen otyrysynda Memleket basshysy Qasym-Jomart Toqaev aitty, dep habarlaidy QazAqparat.
«1 qyrkúiekke deiin offteik kelisimsharttar, iaǵni ónimdi kepildikpen satyp alý júiesi arqyly óndiris qurý jáne keńeitý boiynsha keshendi jospardy bekitýdi tapsyramyn»,- dedi Memleket basshysy.
Qasym-Jomart Toqaev jergilikti óndirýshilerdi yntalandyrýdyń sanattyq satyp alýyn jáne ózge de tetikterin keńinen qoldaný boiynsha jumys júrgizý qajettigin basa aitty.
«Atameken» ulttyq kásipkerler palatasyna osynaý protseske qatysýdy ótinemin. Osy jyldyń 1 qańtarynan bastap Dúniejúzilik saýda uiymynyń otandyq biznesti qoldaýdy shekteý boiynsha qatań talaptary kúshine endi. Úkimet pen palata atalǵan uiymnyń talaptaryn eskere otyryp, jańa sharalar qabyldaýy tiis», - dedi QR Prezidenti.
