Úkimet dári-dármek óndirisiniń birtutas júiesin qurýy qajet. Bul týraly Ulttyq qoǵamdyq senim keńesiniń 3-otyrysynda QR Prezidenti Qasym-Jomart Toqaev aitty, dep habarlaidy QazAqparat.
«Pandemiia kezinde óńirlerdiń jyldam áreket etip, jedel sheshim qabyldai almaityndyǵy baiqaldy. Densaýlyq saqtaý salasyna qatysty kóptegen másele ortalyqtyń tikelei aralasýymen sheshilip otyrdy. Sondyqtan tótenshe jaǵdai kezindegi basqarý isin naqty qurylymǵa sai bir ortalyqtan júrgizý kerek bolady», - dedi Qazaqstan Prezidenti.
Sonymen qatar Qasym-Jomart Toqaev elimizdiń dári-dármekpen jáne meditsinalyq ónimdermen qamtamasyz etý isiniń olqylyqtary anyqtalǵandyǵyn basa aitty.
«Biz importqa tym táýeldimiz. Shetelden keletin dárilerdiń naryqtaǵy úlesi 88 paiyzǵa jýyq. Formakologiialyq zertteýler júrgizý úshin tájiribemiz jetkilikti. Ǵylymi baza da, bilikti mamandar da bar. Sondyqtan Úkimet dári-dármek óndirisiniń birtutas júiesin qurýy qajet. Munda zertteý júrgizýden bastap, ónerkásiptik deńgeige deiingi úderister qamtylýǵa tiis», - dedi Memleket basshysy.
