Aqmola oblysyna jumys saparymen barǵan Baqytjan Saǵyntaev birinshi kezekte «Esil Agro» JShS sút-taýar fermasy men egis alqaptaryn aralady, dep habarlaidy "Ult aqparat" primeminister.kz portalyna silteme jasap.
Úkimet basshysy onda aýyl sharýashylyǵy óndirisiniń tehnologiialyq erekshelikterimen jáne kásiporyndy odan ári damytý keleshegimen tanysty.
Baqytjan Saǵyntaev sút fermasyn aralaý kezinde kásiporynnyń óndiristik úderisterimen jáne daiyn ónimder kórmesimen tanysty. QR Premer-Ministrine munda óndiristik qýattylyqty 2 esege deiin ulǵaitý jáne saýyn tabynyn 2 400 basqa deiin jetkizý kózdelip otyrǵany týraly aqparat berildi.
Budan keiin Baqytjan Saǵyntaev «Esil Agro» JShS egistiginde boldy, onda Aqmola oblysynyń aýyl sharýashylyǵy basqarmasynyń basshysy Murat Balpannyń egin jaǵdaiy týraly baiandamasyn tyńdady.
Aita ketý kerek, QR Prezidenti N. Nazarbaevtyń «Qazaqstannyń úshinshi jańǵyrýy: jahandyq básekege qabilettilik» Joldaýyna sáikes osyndai kásiporyndardy ashý elimizde ekonomikalyq ósimniń jańa modelin qalyptasyrý kezinde mańyzdy baǵyttardyń birine ainalýy tiis. Osyǵan orai, búgingi kúni AÓK damytýdyń 2017-2021 jyldarǵa arnalǵan memlekettik baǵdarlamasy aiasynda otandyq aýyl sharýashylyǵy óndirýshilerine keshendik qoldaý kórsetilip jatyr. Onda jeńildikpen nesielendirý men qoldaý kórsetýdiń ózge de tetikteri qarastyrylǵan.
Búgin Baqytjan Saǵyntaev óndiristik jáne aýyl sharýashylyǵy kásiporyndarynyń, sport jáne týristik infraqurylym nysandarynyń jumysymen tanysady, olardyń ishinde «Esil-Agro» JShS, «Tynys» AQ, Shýchinsk qalasynyń shańǵy sportynyń respýblikalyq bazasy, sondai-aq Býrabai aýylynyń týristik nysandary bar.
QR Premer-Ministri Shýchinsk-Býrabai kýrorttyq aimaǵyn damytý máseleleri jóninde keńes, «Atameken» Kásipkerler palatasynyń óńirlik keńesiniń múshelerimen kezdesý, sondai-aq Ónimdi jumyspen qamtý jáne jappai kásipkerlik baǵdarlamasy men «Cerpin» áleýmettik jobasyn iske asyrý týraly keńes ótkizedi dep kútilýde.
Budan ózge, Baqytjan Saǵyntaev Kókshetaý qalasynyń Jumyspen qamtý ortalyǵynyń jumysymen jáne «Shýchinsk - Býrabai» avtojolyn jóndeý sapasymen tanysady.
Anyqtama:
Óńirde «Qazaqstan jaýhary» atalyp ketken Býrabai ulttyq saiabaǵy bar, onda 14 iri kól, onyń ishinde Býrabai, Shortandy, Qotyrkól jáne kóptegen usaq kólder ornalasqan. Býrabai faýnasynda omyrtqalylardyń 300-ge jýyq túri, florasynda – orman, dala, sortań ósimdikteriniń 800-ge jýyq túri bar. Munda sondai-aq kóptegen shipajailar men balshyqpen emdeitin oryndar ornalasqan.
Aqmola oblysynyń iri jáne júie quraýshy kásiporyndary «Altyntau Kokshetau» AQ, «KAMAZ-Injiniring» AQ, «EPK-Stepnogorsk» AQ, «Qazaqaltyn» TMK» AQ jáne «SGHK» JShS bolyp tabylady. Indýstriialandyrý kartasy aiasynda oblysta 623,3 mlrd teńge investitsiia kólemimen 17 jobany iske asyrý jalǵasýda. 2017 jyly IIDMB aiasynda olardyń quny 95,4 mlrd teńge bolatyn 1 119 jumys ornyn qurýmen 7 jobasyn engizý josparlanǵan.
«Esil Agro» JShS kásiporny 2009 jyly ashylǵan jáne qazirgi tańda munda sút berý baǵytynda - 1 609 iri qara mal men et berý baǵytynda – 387 mal basy bar. Budan ózge, munda 87 000 ga a/sh alqaby bar, sonyń ishinde egistik jer – 41 366 ga jáne tabiǵi jaiylym jeri – 45 634 ga. Olardyń ortasha ónimdiligi bir gektardan 15 tsentnerdi quraidy, olardyń qatarynda dándi-burshaqty daqyldar 22 500 tonna, maily daqyldar – 2 500 tonna.
