Memlekettik qarjyny basqarýdy jetildirý makroekonomikalyq turaqtylyqty qamtamasyz etýge múmkindik beredi. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Memleket basshysynyń tapsyrmalaryn oryndaý odan ári ekonomikany ártaraptandyrýdy, shikizatqa qatysty emes eksporttyń ósýin jáne ónimdiliktiń joǵarylaýyn qamtamasyz etedi. Joldaýdy iske asyrý aiasynda shaǵyn jáne orta bizneske qajetti memlekettik qoldaý kórsetý jáne jańa syn-qaterlerdi eskere otyryp, jappai kásipkerlikti damytýǵa qolaily jaǵdailar jasaý boiynsha keshendi jumys jalǵasady», - dedi Premer-Ministr..
Onyń atap ótýinshe, memlekettik qarjyny basqarýdy jetildirý makroekonomikalyq turaqtylyqty qamtamasyz etýge múmkindik beredi. Bul ekonomikanyń sapaly damýy úshin negizgi shart bolyp tabylady.
«Geologiia salasyn keshendi damytý boiynsha qoiylǵan mindetter eldiń mineraldyq-shikizat bazasyn keńeitýge, onyń ornyqty tolyǵýyna jaǵdai jasaýǵa múmkindik berip, investorlardyń qyzyǵýshylyǵyn birshama arttyrady. Keshendi tsifrlandyrý jáne zamanaýi tsifrlyq tehnologiialardyń transferti boiynsha júieli sharalar ekonomikanyń jahandyq básekege qabilettiligin arttyrýǵa yqpal etetin bolady. Al memlekettik sektordy tsifrlyq qaita júkteý - memlekettik basqarýdyń tiimdiligin arttyrady», - dedi Úkimet basshysy.
