مەملەكەتتٸك قارجىنى باسقارۋدى جەتٸلدٸرۋ ماكروەكونوميكالىق تۇراقتىلىقتى قامتاماسىز ەتۋگە مٷمكٸندٸك بەرەدٸ. بۇل تۋرالى بٷگٸن ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«مەملەكەت باسشىسىنىڭ تاپسىرمالارىن ورىنداۋ ودان ەرٸ ەكونوميكانى ەرتاراپتاندىرۋدى, شيكٸزاتقا قاتىستى ەمەس ەكسپورتتىڭ ٶسۋٸن جەنە ٶنٸمدٸلٸكتٸڭ جوعارىلاۋىن قامتاماسىز ەتەدٸ. جولداۋدى ٸسكە اسىرۋ اياسىندا شاعىن جەنە ورتا بيزنەسكە قاجەتتٸ مەملەكەتتٸك قولداۋ كٶرسەتۋ جەنە جاڭا سىن-قاتەرلەردٸ ەسكەرە وتىرىپ, جاپپاي كەسٸپكەرلٸكتٸ دامىتۋعا قولايلى جاعدايلار جاساۋ بويىنشا كەشەندٸ جۇمىس جالعاسادى», - دەدٸ پرەمەر-مينيستر..
ونىڭ اتاپ ٶتۋٸنشە, مەملەكەتتٸك قارجىنى باسقارۋدى جەتٸلدٸرۋ ماكروەكونوميكالىق تۇراقتىلىقتى قامتاماسىز ەتۋگە مٷمكٸندٸك بەرەدٸ. بۇل ەكونوميكانىڭ ساپالى دامۋى ٷشٸن نەگٸزگٸ شارت بولىپ تابىلادى.
«گەولوگييا سالاسىن كەشەندٸ دامىتۋ بويىنشا قويىلعان مٸندەتتەر ەلدٸڭ مينەرالدىق-شيكٸزات بازاسىن كەڭەيتۋگە, ونىڭ ورنىقتى تولىعۋىنا جاعداي جاساۋعا مٷمكٸندٸك بەرٸپ, ينۆەستورلاردىڭ قىزىعۋشىلىعىن بٸرشاما ارتتىرادى. كەشەندٸ تسيفرلاندىرۋ جەنە زاماناۋي تسيفرلىق تەحنولوگييالاردىڭ ترانسفەرتٸ بويىنشا جٷيەلٸ شارالار ەكونوميكانىڭ جاھاندىق بەسەكەگە قابٸلەتتٸلٸگٸن ارتتىرۋعا ىقپال ەتەتٸن بولادى. ال مەملەكەتتٸك سەكتوردى تسيفرلىق قايتا جٷكتەۋ - مەملەكەتتٸك باسقارۋدىڭ تيٸمدٸلٸگٸن ارتتىرادى», - دەدٸ ٷكٸمەت باسشىسى.
