QR Premer-Ministri A. Mamin Royal Dutch Shell kontserniniń ókilderimen: «Halyqaralyq barlaý jáne óndirý» bólimshesiniń direktory Endriý Braýnmen, tereń sýly jobalar jónindegi atqarýshy vitse-prezident Ýael Saýanmen, birlesken kásiporyndar máseleleri jónindegi atqarýshy vitse-prezident Herald Shotmanmen kezdesý ótkizdi, dep habarlaidy "Ult aqparat".
Taraptar ekijaqty yntymaqtastyqtyń kóptegen máselelerin talqylady. Máseleni talqylaýǵa QR energetika ministri Q. Bozymbaev qatysty.
E. Braýn kompaniia Qazaqstan aýmaǵynda jobalardy iske asyrýǵa qatysýdy tereńdetýge jáne is-qimyldy odan ári keńeite túsýge múddeli ekenin habarlady. Qashaǵan jáne Qarashyǵanaq ken oryndaryn igerý boiynsha birlesken qyzmet, «Jemchýjina» ýchaskesinde «Qalamqas» jáne «Hazar» uńǵymalaryndaǵy jumystarǵa qatysý máseleleri qaraldy.
Kompaniia úshin perspektivalyq baǵyttardyń biri — energiianyń balamaly kózderin damytý. Royal Dutch Shell Taraz qalasynda kún elektr stantsiiasyn salý jobasy júzege asyrylýda.
QR Úkimetiniń basshysy A. Mamin kompaniianyń iri investorlardyń qatarynda ekenin atap ótti. Búginde elimizde investitsiialyq jobalardy júzege asyrý úshin qolaily jaǵdailardy qamtamasyz etý sharalary kúsheitilýde jáne investorlardyń quqyqtaryn qorǵaý tetikteri nyǵaitylyp jatyr.
Kezdesýdiń sońynda taraptar ózara is-qimyl salalaryn keńeitýge jáne jańa birlesken jobalardy júzege asyrýǵa niet bildirdi.
