Óńir ákimdikteri janyndaǵy táýelsiz Bala quqyqtary jónindegi ýákilderdiń laýazymdaryn engizýdi tezdetý qajet. Bul týraly búgin Úkimet otyrysynda QR Premer-Ministri Álihan Smaiylov aitty, dep habarlaidy QazAqparat.
«Oblys ákimdikterine áleýmettik jaǵynan az qamtylǵan sanattaǵy balalardy saýyqtyrý sharalarymen, jazǵy demalyspen jáne bos ýaqyttaryn paidaly ótkizýmen barynsha qamtýdy tapsyramyn. Barlyq aýyldyq eldi-mekenderde sport alańdaryn, alalardy damytý ortalyqtaryn jabdyqtap, oiyn-saýyq, mádeni is-sharalar uiymdastyrý qajet», - dedi Úkimet basshysy.
Álihan Smaiylov Densaýlyq saqtaý ministrligine shalǵaidaǵy eldi-mekenderde balalardyń densaýlyq jaǵdaiyna skriningtik jáne stomatologiialyq tekserýler júrgizý úshin jyljymaly meditsinalyq pýnktterdiń jumys isteýine qatysty sharalar qabyldaýdy tapsyrdy.
«Balalar quqyqtarynyń saqtalýyn qamtamasyz etý úshin Bilim ministrligi ákimdiktermen birlesip, óńir ákimdikteri janyndaǵy táýelsiz Bala quqyqtary jónindegi ýákilderdiń laýazymdaryn engizýdi tezdetsin», - dedi Premer-Ministr.
