Foto: Restolife.kz
McDonald's-tyń Qazaqstanda jumysyn toqtatýy kompaniianyń Resei naryǵynan ketýimen bailanysty. Bul týraly premer-ministr Álihan Smaiylov málimdedi, dep habarlaidy Sputnik Qazaqstan.
Úkimet otyrysynan keiin ótken brifingte jýrnalister premerden McDonald's kompaniiasy Qazaqstan naryǵynan ne sebepti ketkenin surady.
"Kompaniianyń Qazaqstannan ketýi eldegi investitsiialyq ahýal nemese basqa da jaǵdailarmen bailanysty emes. Bul McDonald's kompaniiasynyń Reseiden ketýimen tikelei bailanysty. Kompaniia óniminiń shikizaty men jartylai fabrikattar Resei naryǵy arqyly qamtamasyz etilgen", - dedi Smaiylov.
Taǵy bir sebep, onyń aitýynsha, McDonald's kompaniiasynyń ónimderge óte joǵary talap qoiýy.
"Bul kompaniiany ónimmen qamtamasyz etý úshin jetkizýshi birneshe sertifikattaýdan ótýi kerek. Jemniń sapasy, mal, qus ustaý jáne soiý oryndary, tipti qaptaityn qoraptardyń sapasyna da joǵary mán beredi. Kompaniia talaptaryn oryndaý úshin qomaqty investitsiia kerek. Al Qazaqstannyń naryǵy shekteýli, sondyqtan mundai kóp investitsiia qysqa merzimde qaitarylmaidy", - deidi úkimet basshysy.
Smaiylov kompaniiadaǵy jumys oryndaryn saqtap qalý qajet ekenin atap ótti. Aitýynsha, kompaniiada eki myńǵa jýyq adam jumys isteidi.
"Ol úshin halyqaralyq brendti qoldanbai, jumys isteýdi jalǵastyrý qajet. Sondai-aq, jańa kompaniia shikizat máselesin qazaqstandyq ónim óndirýshilerimen birlesip aldyn ala sheshedi dep oilaimyn. Bul kompaniianyń turaqty jumys isteýin qamtamasyz etedi", - dedi premer.
Buǵan deiin 5 qańtarda McDonald's kompaniiasy Qazaqstanda qyzmetin toqtatqany habarlanǵan bolatyn. Endi McDonald’s brendimen jumys istegen "Food Solutions KZ" JShS jańa ataýmen ashylady.
