Sýret: egemen.kz
Premer-ministr Álihan Smaiylov Qazaqstanda bazalyq mólsherlemeniń nelikten joǵary ekenin túsindirip, ony tómendetý sharttaryn atady, - dep habarlaidy Tengrinews.kz portaly.
"Bazalyq mólsherleme boiynsha aitsaq, kelisemin, ol joǵary. Ókinishke orai, bul baǵany ustap qalýǵa tikelei áser etpeidi. Biz bul týraly Ulttyq bank tóraǵasymen de sóilestik. Mysaly, ótken jyly kókónister qymbattaǵan kezde, bul bazalyq mólsherleme jetkiliksiz bolǵandyqtan emes, kórshi elderde baǵalar eki ese joǵary bolǵandyqtan jáne saýdagerler kelip, tikelei alańnan eki ese qymbatqa alǵandyqtan boldy. Árine, fermerler satyp alatyn baǵadan múmkindiginshe joǵary satady. Bul jaǵdaida bazalyq mólsherleme baǵanyń ósýine eshqandai qatysy joq", - dep túsindirdi Smaiylov.
Sondai-aq ol bazalyq mólsherlemeni kóterý durys sheshim dep sanaitynyn atap ótti.
"Biz bazalyq mólsherlemeni kótergenin durys dep esepteimiz. Óitkeni infliatsiialyq boljam degen uǵym bar. Ol boljamdar keibir obektivti faktorlardan bólek úlken infliatsiialyq protsesterdi týyndatady. Naryqtaǵy oiynshylar infliatsiia bolsa, bazalyq mólsherleme ósýi kerektigin túsinedi. Al mundai jaǵdaida bazalyq mólsherleme óspese, infliatsiia odan ári órshidi. Bul infliatsiialyq boljamdarmen tyǵyz bailanysty. Sondyqtan bazalyq mólsherlemeniń kezekti ret ósýi durys boldy dep oilaimyn", - dedi Úkimet basshysy.
