Qazaqstanda karantindik shekteýler áser etetin shaǵyn jáne orta biznes sýbektilerin qoldaýdyń 60-tan astam sharalary ázirlendi, dep habarlady Qazaqstannyń premer-ministri Asqar Mamin.
Bul týraly «Ult aqparat» habarlaidy.
Ózgerister 2021 jylǵa arnalǵan ekonomikalyq ósimdi qalpyna keltirý jónindegi keshendi josparǵa engizildi.
"Birinshi kezekte bul sharalar birqatar salyqtyq jeńildikter men salyqtyq ákimshilendirýdi jeńildetý, jeńildikti qarjylandyrýǵa qoljetimdilikti keńeitý, memlekettik satyp alýlarǵa qoljetimdilikti jeńildetý, sondai-aq kásipkerlik qyzmetti qaita retteý bóliginde bizneske júktemeni tómendetýge qatysty", - dep naqtylady Úkimet otyrysynda Mamin.
Onyń aitýynsha, aǵymdaǵy jyly shaǵyn jáne orta biznestiń qarjylandyrýǵa qoljetimdiligin keńeitý aiasynda 47 myńǵa jýyq jobany qamti otyryp, 2,5 trillion teńgeden astam (5,8 milliard dollar) jeńildetilgen kredit beriletin bolady.
Mamin sondai-aq kásipkerlikti qoldaý baǵdarlamalary boiynsha Biznestiń ótinimderin qaraý merzimderin 21-den 5 jumys kúnine deiin qysqartý boiynsha jumys júrgizilgenin aitty.
Sýbsidiialaý jáne nesielerdi kepildendirý aiasynda memlekettik qyzmetterdi tsifrlandyrý aǵymdaǵy jyly 97%-ǵa deiin ulǵaidy.
"2021 jyldyń 1 sáýirinen 1 shildesine deiin ShOB sýbektileri úshin eńbekaqy tóleý qorynan barlyq salyqtardy tóleýdi keiinge qaldyrý engizildi. Bul bizneske shamamen 200 milliard teńgeni saqtaýǵa múmkindik berdi. ShOB sýbektileriniń salyqtyq jáne kedendik bereshegin májbúrlep óndirip alý 2021 jylǵy 1 shildege deiin toqtatyldy. Bul bizneske ainalym kapitaly úshin 279 milliard teńgeni bosatýǵa kómektesedi", - dedi ol.
Ekinshi deńgeidegi bankterdegi kreditter boiynsha tólemderdi 2021 jylǵy 1 shildege deiin keiinge qaldyrý jóninde sharalar qabyldandy, keiinge qaldyrylǵan tólemder kólemi 750 milliard teńgeni (1,74 trillion dollardy) quraidy.
"Qazir bizdiń mindetimiz – kásipkerlerge óz biznesin damytýǵa kómektesý. Qabyldanyp jatqan sharalar aǵymdaǵy jyly ekonomika ósimi qurylymynda 0,8 paiyzdyq pýnkt qalyptastyrýǵa múmkindik beredi", - dep tolyqtyrdy premer-ministr.
Sonymen qatar, "Atameken" UKP Tóraǵasy Abylai Myrzahmetov otyrysta osy jyldyń sońyna deiin "bizneske arnalǵan Úkimet" saity iske qosylatynyn atap ótti. Bul biznesti memlekettik qoldaý sharalary (onyń ishinde qarjylyq qoldaý boiynsha 32, qarjylyq emes qoldaý boiynsha 14) jáne 526 Memlekettik qyzmet qoljetimdi bolatyn servis. Portalda barlyǵy 570-ten astam qyzmet pen qoldaý sharalaryn iske qosý josparlanyp otyr, dep naqtylady Myrzahmetov.
"Memlekettik jáne memlekettik emes qyzmetter bir portalǵa biriktiriledi jáne osy jyldyń sońyna deiin bul jumys aiaqtalady. Kelesi jyldan bastap barlyq qyzmetter men qoldaý sharalary tsifrlyq túrde qoljetimdi bolady", - dedi Abylai Myrzahmetov.
Buǵan deiin UKP servisti pilottyq rejimde testileý týraly málimdegen bolatyn.
Esterińizge sala keteiik, Qazaqstanda karantindik shekteýler áser etetin shaǵyn jáne orta biznes sýbektilerin qoldaýdyń 60-tan astam sharalary ázirlendi, dep habarlady Qazaqstannyń premer-ministri Asqar Mamin.
Ózgerister 2021 jylǵa arnalǵan ekonomikalyq ósimdi qalpyna keltirý jónindegi keshendi josparǵa engizildi.
Úkimet basshysynyń aitýynsha, birinshi kezekte bul sharalar birqatar salyqtyq jeńildikter men salyqtyq ákimshilendirýdi jeńildetý, jeńildikti qarjylandyrýǵa qoljetimdilikti keńeitý, memlekettik satyp alýlarǵa qoljetimdilikti jeńildetý, sondai-aq kásipkerlik qyzmetti qaita retteý bóliginde bizneske júktemeni tómendetýge qatysty. Sonymen qatar ol aǵymdaǵy jyly shaǵyn jáne orta biznestiń qarjylandyrýǵa qoljetimdiligin keńeitý aiasynda 47 myńǵa jýyq jobany qamti otyryp, 2,5 trillion teńgeden astam (5,8 milliard dollar) jeńildetilgen kredit beriletin atap ótti.
