Búgin Úkimet otyrysynda QR Premer-Ministri Álihan Smaiylov deldaldardyń komissiialary men tarifterine qatysty máseleni sheshýge 1 ai ýaqyt berdi, dep habarlaidy QazAqparat.
«Prezident shaǵyn biznes sýbektileriniń múddelerin qorǵaýǵa basymdyq bere otyryp, «Atameken» palatasynyń jumysyn qaita qaraýdy tapsyrdy. Bul baǵytta tiisti jumystar júrip jatyr. «Atameken» kásipkerler palatasynyń biznespen aradaǵy jan-jaqty jáne ózara tiimdi bailanysyn Prezident belgilep bergen formatta qamtamasyz etý kerek», - dedi Premer-Ministr.
Sonymen qatar Álihan Smaiylov Memleket basshysy túrli monopolist operatorlar men deldaldar alyp otyrǵan komissiialar men tarifterge muqiiat taldaý júrgizip, olardy qaita qaraý nemese alyp tastaý boiynsha sheshimder daiyndaýdy tapsyrǵanyn atap ótti.
«Osyǵan bailanysty Ulttyq ekonomika ministrligi Básekelestikti qorǵaý agenttigimen jáne «Atameken» palatasymen birlesip, bir ai merzimde Úkimetke taldaý qorytyndysy men osy máseleni sheshý boiynsha naqty usynystar engizsin», - dedi Úkimet basshysy.
