بٷگٸن ٷكٸمەت وتىرىسىندا قر پرەمەر-مينيسترٸ ەليحان سمايىلوۆ دەلدالداردىڭ كوميسسييالارى مەن تاريفتەرٸنە قاتىستى مەسەلەنٸ شەشۋگە 1 اي ۋاقىت بەردٸ, دەپ حابارلايدى قازاقپارات.
«پرەزيدەنت شاعىن بيزنەس سۋبەكتٸلەرٸنٸڭ مٷددەلەرٸن قورعاۋعا باسىمدىق بەرە وتىرىپ, «اتامەكەن» پالاتاسىنىڭ جۇمىسىن قايتا قاراۋدى تاپسىردى. بۇل باعىتتا تيٸستٸ جۇمىستار جٷرٸپ جاتىر. «اتامەكەن» كەسٸپكەرلەر پالاتاسىنىڭ بيزنەسپەن اراداعى جان-جاقتى جەنە ٶزارا تيٸمدٸ بايلانىسىن پرەزيدەنت بەلگٸلەپ بەرگەن فورماتتا قامتاماسىز ەتۋ كەرەك», - دەدٸ پرەمەر-مينيستر.
سونىمەن قاتار ەليحان سمايىلوۆ مەملەكەت باسشىسى تٷرلٸ مونوپوليست وپەراتورلار مەن دەلدالدار الىپ وتىرعان كوميسسييالار مەن تاريفتەرگە مۇقييات تالداۋ جٷرگٸزٸپ, ولاردى قايتا قاراۋ نەمەسە الىپ تاستاۋ بويىنشا شەشٸمدەر دايىنداۋدى تاپسىرعانىن اتاپ ٶتتٸ.
«وسىعان بايلانىستى ۇلتتىق ەكونوميكا مينيسترلٸگٸ بەسەكەلەستٸكتٸ قورعاۋ اگەنتتٸگٸمەن جەنە «اتامەكەن» پالاتاسىمەن بٸرلەسٸپ, بٸر اي مەرزٸمدە ٷكٸمەتكە تالداۋ قورىتىندىسى مەن وسى مەسەلەنٸ شەشۋ بويىنشا ناقتى ۇسىنىستار ەنگٸزسٸن», - دەدٸ ٷكٸمەت باسشىسى.
