Premer-ministr Asqar Mamin Úkimettiń basty mindeti – qysqa merzim ishinde ekonomikalyq daǵdarysqa deiingi damý qarqynyn qalpyna keltirý ekenin málimdedi, dep habarlaidy QazAqparat.
«Elimizde tótenshe jaǵdaidyń aiaqtalǵanyna bir aiǵa jýyq ýaqyt ótti. Karantindik rejim kezeń-kezeńimen jeńildetilýde. Qazirgi tańda ekonomikalyq jaǵdai turaqtalyp keledi. Naqty sektor ósimniń senimdi serpinin kórsetip otyr. Taý-ken ónerkásibinde 5,2 paiyz, óńdeýshi salada 4,9 paiyz, onyń ishinde mashina jasaýda 18,5 paiyz, farmatsevtikada 21,2 paiyz, jeńil ónerkásipte 10,8 paiyz, qurylys materialy óndirisinde 2,3 paiyz ósim baiqaldy. Qurylys kólemi 5,9 paiyzǵa ósip, investitsiialardyń ósý qarqynyn byltyrǵy deńgeide ustap qaldyq. Saýda balansynyń oń saldosy qamtamasyz etildi», - dedi Asqar Mamin Úkimet otyrysynda.
Premer-ministr sonymen qatar qyzmet kórsetý salasynda iskerlik belsendilik qarqyndy túrde qalpyna kelip jatqanyn aityp ótti.
«Saýda salasynda mamyrda sáýirmen salystyrǵanda 28,3 paiyz, kólik salasynda 20,7 paiyz, halyqqa qyzmet kórsetýde 28,8 paiyzǵa aitarlyqtai ósimdi baiqaýǵa bolady. Bizdiń mindetimiz – qysqa merzimde ekonomikalyq daǵdarysqa deiingi damý qarqynyn qalpyna keltirý. Buǵan ekonomikany qoldaý maqsatynda qabyldanǵan shuǵyl sharalar jáne biyl jyl sońyna deiin ekonomikany qalpyna keltirý jónindegi keshendi jospardy iske asyrý yqpal etýi kerek», - dedi Asqar Mamin.
