QR Premer-Ministri Asqar Mamin Arys qalasyndaǵy zardap shekken úilerdi, áleýmettik nysandar men injenerlik jelilerdi qalpyna keltirý jumystarynyń barysymen tanysý maqsatynda jumys saparymen Túrkistan oblysyna bardy, dep habarlaidy "Ult aqparat".
QR Úkimetiniń basshysy óńirlik shtabtar jumysyn tekserip, «Kóktem-1», «Kóktem-2» yqsham aýdandaryndaǵy turǵyn úilerdiń, mektep, balabaqsha, temir jol vokzaly ǵimarattarynyń, qalalyq aýrýhananyń qalpyna keltirilý qarqynyn kórdi. QR Premer-Ministri sonymen qatar Halyqqa qyzmet kórsetý ortalyǵyna bardy. Túrkistan oblysynyń shtabynda Asqar Maminge Arys qalasynyń turǵyndaryna 100 myń teńgeden ótemaqy tóleý boiynsha júrgizilip jatqan jumystar týraly baiandaldy.
Nysandardy aralaý qorytyndysy boiynsha QR Premer-Ministri Asqar Maminniń tóraǵalyǵymen Arys qalasyn qalpyna keltirý máseleleri jóninde keńes ótti.
Túrkistan oblysynyń ákimi Ó. Shókeev qala turǵyndaryna áleýmettik kómek kórsetý aiasynda 650 az qamtylǵan jáne kóp balaly otbasylarǵa ataýly áleýmettik kómek taǵaiyndalyp, tólem júrgizilgenin habarlady.
Qorǵanys, eńbek jáne halyqty áleýmettik qorǵaý, densaýlyq saqtaý, indýstriia jáne infraqurylymdyq damý, ishki ister, tsifrlyq damý, innovatsiialar jáne aeroǵarysh ónerkásibi ministrlikteriniń basshylary áleýmettik qoldaý sharalary, meditsinalyq qyzmetter kórsetý, turǵyn úilerdi qalpyna keltirý boiynsha júrgizilip jatqan jumystar týraly baiandady.
Óz kezeginde Almaty oblysynyń ákimi A. Batalov, Aqmola oblysynyń ákimi E. Marjyqpaev, Aqtóbe oblysynyń ákimi O. Orazalin, Atyraý oblysynyń ákimi N. Noǵaev, Shyǵys Qazaqstan oblysynyń ákimi D. Ahmetov, Shymkent qalasynyń ákimi Ǵ. Ábdirahymov bólingen sektorlardaǵy qurylys jumystarynyń qarqyny týraly aqparattandyrdy.
Búginde 676 turǵyn úige jóndeý jumystary aiaqtalǵan. Qazirgi kezde barlyq sektorlar jumystarmen qamylǵan, 3 040 jeke turǵyn úi qurylysy men kópqabatty turǵyn úiler nysandarynda qalpyna keltirý jumystary júrgizilýde, 190 qurylys kompaniiasy, 5 myńǵa jýyq qurylysshylar men 207 arnaiy tehnika jumyldyrylǵan. Áleýmettik infraqurylym boiynsha jumystar 66 densaýlyq saqtaý, bilim berý, sport nysandarynda júrgizilip jatyr.
Keńesti qorytyndylaǵan QR Premer-Ministri Asqar Mamin qalany qalpyna keltirý jumystaryna elimizdiń barlyq óńirleri, ulttyq kompaniialar, iri biznes ókilderi belsendi qatysyp jatqanyn aitty.
«Arys qalasyn qalpyna keltirý boiynsha barlyq negizgi jumystar 1 tamyzǵa deiin aiaqtalýy tiis. Apta saiyn kelip, tekserip turamyz», - dedi Asqar Mamin.
QR Úkimetiniń basshysy zardap shekken biznes nysandaryn, kólik jáne injenerlik infraqurylymdy ýaqytyly qalpyna keltirý jumystaryn kúsheitýdi, meditsinalyq qamtamasyz etý boiynsha keshendi sharalar qabyldaýdy jáne bilim berý nysandaryn jańa oqý jylynyń bastalýyna daiyndaýdy tapsyrdy.
