Premer-Ministr Asqar Mamin memlekettik organdardyń birinshi basshylary men ákimderge áleýmettik mańyzy bar taýar baǵasynyń ósýin tejeý jumystaryn kúsheitýdi tapsyrdy, dep habarlaidy QazAqparat.
«Ekonomikanyń 6 negizgi kórsetkishi boiynsha ósim jeti óńirde baiqalady. Bul - Atyraý, Qaraǵandy, Qyzylorda, Pavlodar, Soltústik Qazaqstan jáne Túrkistan oblystary men Nur-Sultan qalasy.
5 kórsetkish boiynsha oń dinamika tórt óńirde - Aqtóbe, Mańǵystaý, Shyǵys Qazaqstan oblystary jáne Almaty qalasynda baiqaldy», - degen Úkimet basshysy, eń tómen kórsetkish Batys Qazaqstan oblysynda ekenin atap ótti.
«Elde infliatsiia ósip jatyr, tamyzda ol 8,7 paiyz bolsa, qyrkúiekte 8,9 paiyz boldy. Infliatsiianyń ósýine azyq-túlik taýarlary baǵasynyń qymbattaýy eń kóp áser etti.
Bir apta ishinde áleýmettik mańyzy bar taýarlar baǵasynyń qymbattaýy 0,2 paiyzdy qurady. Baǵalar Nur-Sultanda, Mańǵystaý jáne Aqtóbe oblystarynda eleýli artty. Memlekettik organdardyń birinshi basshylary men ákimder ekonomika sektorlarynda ósý qarqynyn ulǵaitý, investitsiialar tartý, jumys oryndaryn qurý jáne áleýmettik mańyzy bar taýarlardyń baǵalaryn ósýin tejeý boiynsha jumysty kúsheitýi qajet. Sonymen qatar, biýdjet qarajatynyń ýaqytyly igerilýin qamtamasyz etýdi tapsyramyn», - dedi Asqar Mamin.
