پرەمەر-مينيستر اسقار مامين مەملەكەتتٸك ورگانداردىڭ بٸرٸنشٸ باسشىلارى مەن ەكٸمدەرگە ەلەۋمەتتٸك ماڭىزى بار تاۋار باعاسىنىڭ ٶسۋٸن تەجەۋ جۇمىستارىن كٷشەيتۋدٸ تاپسىردى, دەپ حابارلايدى قازاقپارات.
«ەكونوميكانىڭ 6 نەگٸزگٸ كٶرسەتكٸشٸ بويىنشا ٶسٸم جەتٸ ٶڭٸردە بايقالادى. بۇل - اتىراۋ, قاراعاندى, قىزىلوردا, پاۆلودار, سولتٷستٸك قازاقستان جەنە تٷركٸستان وبلىستارى مەن نۇر-سۇلتان قالاسى.
5 كٶرسەتكٸش بويىنشا وڭ ديناميكا تٶرت ٶڭٸردە - اقتٶبە, ماڭعىستاۋ, شىعىس قازاقستان وبلىستارى جەنە الماتى قالاسىندا بايقالدى», - دەگەن ٷكٸمەت باسشىسى, ەڭ تٶمەن كٶرسەتكٸش باتىس قازاقستان وبلىسىندا ەكەنٸن اتاپ ٶتتٸ.
«ەلدە ينفلياتسييا ٶسٸپ جاتىر, تامىزدا ول 8,7 پايىز بولسا, قىركٷيەكتە 8,9 پايىز بولدى. ينفلياتسييانىڭ ٶسۋٸنە ازىق-تٷلٸك تاۋارلارى باعاسىنىڭ قىمباتتاۋى ەڭ كٶپ ەسەر ەتتٸ.
بٸر اپتا ٸشٸندە ەلەۋمەتتٸك ماڭىزى بار تاۋارلار باعاسىنىڭ قىمباتتاۋى 0,2 پايىزدى قۇرادى. باعالار نۇر-سۇلتاندا, ماڭعىستاۋ جەنە اقتٶبە وبلىستارىندا ەلەۋلٸ ارتتى. مەملەكەتتٸك ورگانداردىڭ بٸرٸنشٸ باسشىلارى مەن ەكٸمدەر ەكونوميكا سەكتورلارىندا ٶسۋ قارقىنىن ۇلعايتۋ, ينۆەستيتسييالار تارتۋ, جۇمىس ورىندارىن قۇرۋ جەنە ەلەۋمەتتٸك ماڭىزى بار تاۋارلاردىڭ باعالارىن ٶسۋٸن تەجەۋ بويىنشا جۇمىستى كٷشەيتۋٸ قاجەت. سونىمەن قاتار, بيۋدجەت قاراجاتىنىڭ ۋاقىتىلى يگەرٸلۋٸن قامتاماسىز ەتۋدٸ تاپسىرامىن», - دەدٸ اسقار مامين.
