QR Premer-Ministri Asqar Maminniń tóraǵalyǵymen QR Prezidenti janyndaǵy Tótenshe jaǵdai rejimin qamtamasyz etý jónindegi memlekettik komissiianyń selektorlyq otyrysy ótkizildi, dep habarlaidy primeminister.kz.
Sanitarlyq-epidemiologiialyq jaǵdai týraly densaýlyq saqtaý ministri E. Birtanov, Nur-Sultan jáne Almaty qalalaryndaǵy ahýal jáne karantinge daiyndyq týraly ákimder A. Kólginov pen B. Saǵyntaev, áleýmettik mańyzy bar azyq-túlik taýarlaryna baǵa belgileý jaǵdaiy týraly saýda jáne integratsiia ministri B. Sultanov, tarifterdi retteý jáne saýda nysandaryndaǵy básekelestikti qorǵaý máseleleri týraly ulttyq ekonomika ministri R. Dálenov, memlekettiń áleýmettik mańyzdy azyq-túlik ónimderimen qamtamasyz etilýi jáne óńirlerdegi turaqtandyrý qorlaryn qoldaý sharalary týraly aýyl sharýashylyǵy ministri S. Omarov baiandady.
«Memleket basshysy azamattardy azyq-túlik ónimderimen jáne birinshi qajettiliktegi taýarlarmen úzdiksiz qamtamasyz etý mindetin qoidy. Oryn alǵan jaǵdaidy eskere otyryp, naryqty azyq-túlikpen qamtamasyz etý sharalaryn qabyldap, shuǵyl áreket etý qajet» , — dedi A. Mamin.
Qarjy jáne saýda ministrlikterine ishki naryqty molyqtyrý maqsatynda áleýmettik mańyzy bar azyq-túlik taýarlaryna importtyq salyqty alyp tastaý máselesin pysyqtaý tapsyryldy. Bul rette ákelinetin taýarlarǵa fitosanitariialyq jáne veterinariialyq baqylaý júrgizýdi saqtaý qamtamasyz etilýi tiis.
Óńirler ákimderine áleýmettik mańyzy bar azyq-túlik taýarlary baǵasynyń qazirgi jai-kúiine kún saiyn monitoring júrgizip, qajet bolǵan jaǵdaida shekti baǵalardy belgilep, interventsiia ótkizý arqyly tiisti shuǵyl sharalardy qabyldaý boiysha tapsyrma berildi.
Úkimet basshysy óńirlerdiń ákimdikterine azyq-túlik taýarlarynyń óńirlik turaqtandyrý qorlaryn qalyptastyrý úshin jergilikti biýdjetterden qosymsha qarajat bólýdi tapsyrdy.
Premer-Ministr tótenshe jaǵdai kezeńinde memlekettik shekaradan ótý máseleleri boiynsha sheshim qabyldaý tártibin bekitýdi, sondai-aq tranzittik kóliktiń sanitariialyq-epidemiologiialyq qaýipsizdigin qamtamasyz etý boiynsha sharalar qabyldaýdy tapsyrdy.
