Memleket basshysy Qasym-Jomart Toqaev alǵashqy joldaýynda halyqqa ataýly áleýmettik kómek berý máselesin qozǵady, dep habarlaidy Sputnik Qazaqstan.
"Úkimet ataýly áleýmettik kómek berý júiesin túzetýi tiis. Ondai kómek ashyq, ádil jáne jumys isteýge motivatsiia jasaýy qajet. Osy kómek kóbinese jumys isteitin adamdarǵa berilýi shart. Úkimet pen Atameken shuǵyl bir aidyń ishinde kópbalaly analardy mikro jáne shaǵyn bizneske tartýdyń arnaiy baǵdarlamasyn ázirleýi tiis. Úide jumys isteýge de jaǵdai jasaýymyz qajet", - dedi Toqaev.
Osy oraida Prezident turmysy tómen otbasylardan shyqqan balalarǵa kómek berý máselesin qozǵady. Ondai balalar úshin kepildendirilgen memlekettik kómek engizilýi kerek.
"Mektepke deiingi jastan bastap oqýshy bolǵanǵa deiin kómek berip otyrý qajet. Tegin tamaq, oqý quraly jáne formamen qamtamasyz etý, meditsinalyq kómek, sonyń ishinde stomatologiialyq qyzmetti tóleý, qoǵamdyq kólikke ketken shyǵyndardy óteý siiaqty sharalar bar. Osynyń barlyǵy 2020 jyly 1 qańtardan bastap kúshine enýi tiis", - dep atap kórsetti Toqaev.
