QR Premer-Ministriniń tóraǵalyǵymen ótken Jańǵyrtý jónindegi ulttyq komissiia «100 naqty qadam» Ult josparyn iske asyrýdyń aralyq qorytyndylaryn qarady, dep habarlaidy QR Úkimetiniń baspasóz qyzmeti.
QR Premer-Ministri Asqar Maminniń tóraǵalyǵymen jáne QR Parlamenti Májilisiniń Tóraǵasy N. Nyǵmatýlinniń qatysýymen ótken Jańǵyrtý jónindegi ulttyq komissiia otyrysynda «Tuńǵysh Prezident – Elbasy N. Nazarbaevtyń bes institýtsionaldyq reformasyn júzege asyrýdyń «100 naqty qadamy» Ult josparyn oryndaýdyń 2019 jylǵy jumys qorytyndylary shyǵaryldy.
«Tuńǵysh Prezident – Elbasy Nursultan Ábishuly Nazarbaev pen Memleket basshysy Qasym-Jomart Kemeluly Toqaev azamattarymyzdyń turmys sapasyn jaqsartý jáne ál-aýqatyn arttyrý mindetin qoidy. Onyń sheshimi «100 naqty qadam» Ult josparynyń sapaly oryndalýyna da bailanysty», - dedi A. Mamin.
Búginde Ult josparynyń 100 qadamynyń 59 qadamy oryndalyp, baqylaýdan alyndy, 3 qadamy «Rýhani jańǵyrý» baǵdarlamasy aiasynda iske asyrylyp jatyr jáne ony Qoǵamdyq sanany jańǵyrtý jónindegi ulttyq komissiia baqylaidy.
Qalǵan 38 qadamnyń iske asyrylý barysy týraly ulttyq ekonomika ministri R. Dálenov, aýyl sharýashylyǵy ministri S. Omarov, indýstriia jáne infraqurylymdyq damý ministri B. Atamqulov, syrtqy ister ministri M. Tileýberdi, tsifrlyq damý, innovatsiialar jáne aeroǵarysh ónerkásibi ministri A. Jumaǵaliev, densaýlyq saqtaý ministri E. Birtanov jáne basqa da jaýapty tulǵalar baiandady.
Álem naryqtaryna shyǵýdy qamtamasyz etý, jekemenshik meditsinany damytý jáne t. b. maqsattarda týristik salaǵa strategiialyq investorlardy tartý, jol-kólik infraqurylymyn kútip ustaý jáne damytý úshin bir operator tartý, óńdeý sektoryna TUK tartý boiynsha qadamdardy iske asyrý qarqynyn arttyrý qajettigine erekshe nazar aýdaryldy.
Úkimet basshysy Ult josparyn tolyqqandy ári sapaly iske asyrý boiynsha belsendi jumystardy jalǵastyrýdy tapsyrdy.
.jpeg)