Sýret: QR Úkimeti
Qarjy ministri Mádi Tákiev Parlament palatalarynyń birlesken otyrysynda memlekettik baǵdarlamalar men ulttyq jobalardyń iske asyrylý deńgeiine toqtaldy.
"2022 jyldan bastap Úkimet jobalyq basqarýdyń belgilengen ólshemsharttaryna sáikes keletin ulttyq jobalardyń jańartylǵan tizbesin aiqyndaý jumystaryn júrgizdi. Biýdjettiń múmkindikteri men basymdyqtaryn eskere otyryp, 3 ulttyq joba qabyldandy. Olar: "Jaily mektep", "Aýylda densaýlyq saqtaýdy jańǵyrtý", "Qoljetimdi internet". Atalǵan jobalardy iske asyrýǵa túrli kózderden 625,2 mlrd teńge, onyń ishinde respýblikalyq biýdjetten 536,4 mlrd teńge bólindi", — dedi ol.
Ministr qalǵan 10 ulttyq joba men 2 memlekettik baǵdarlamanyń kúshi joiylǵanyn eske saldy.
"Búgingi kúnniń ózekti taqyryby — memlekettik borysh máselesi. Halyqtyń erekshe nazaryndaǵy bul suraq, depýtattyq korpýs tarapynan jii kóteriledi. Atap ótkenimdei, búgingi tańda barlyq belgilengen boryshtyq kovenanttar saqtalýda. Júrgizilip otyrǵan memlekettik boryshty basqarý saiasaty belgilengen qarjylyq shekteýler qatań saqtalyp júzege asyp jatyr. Sonymen qatar, biz qabyldanǵan mindettemelerdiń ashyqtyǵy men aiqyndyǵyn arttyrý boiynsha Joǵary aýditorlyq palata bastamalaryn nazarǵa alamyz", — dedi Mádi Tákiev.
