Ýhan qalasynan evakýatsiialanǵan azamattar 16 aqpanǵa deiin karatinde bolady, dep habarlaidy "Ult aqparat".
Bul týraly QR Densaýlyq saqtaý ministrliginiń resmi ókili Dias Ahmetshárip aitty.
«Karantin bitkenshe, iaǵni 16 aqpanǵa deiin Ýhan qalasynan kelgen azamattarǵa barýǵa bolmaidy. Tipti buqaralyq aqparat quraldarynyń ókilderine de. Keshe Densaýlyq saqtaý ministrligi barlyq telearnalar úshin arnaiy siýjet túsirdi. Ol týraly facebook paraqshasynda da jariialandy. Stýdentter jýrnalistermen bolǵan áńgimede ózderine barlyq jaǵdai jasalǵanyn jáne meditsinalyq qyzmetkerlerdiń óte jaqsy qarap jatqanyn jetkizdi», - dedi Dias Ahmetshárip Qazmedia ortalyǵynda ótken brifingte.
Aita keteiik, 2020 jyldyń 2 aqpanynda QR DSM Ulttyq shuǵyl meditsina úilestirý ortalyǵy Qytaidyń Ýhan qalasynan 83 qazaqstandyqty, onyń ishinde 80 stýdentti elge jetkizdi .
Olar elordadan 7 shaqyrym jerde ornalasqan kópbeiindi aýrýhana janyndaǵy infektsiiaǵa qarsy arnaiy bólingen korpýsta 14 kúndik karantinge jatqyzyldy.
Ulttyq saraptama ortalyǵy 249 materialdy zerttedi jáne koronavirýs tabylmady.
