Qazirdiń ózinde álemniń buqaralyq aqparat quraldary Qytaidaǵy virýstyń qoldan jasalynǵanyn aitýda. 2018 jyldyń qańtar aiynda qurylǵan Ýhan virýsologiia institýty jasyryn túrde osyndai qaýipti indetti taratýmen ainalysqan degen aqpar bar.
Qazirdiń ózinde AQSh pen Izraildiń buqaralyq aqparat quraldary munyń shyndyq ekenin jazyp jatyr. Olardyń aitýynsha, iadrolyq qarýdy baqylaýda ustaýǵa bolady, al biologiialyq qarýdy tekserý múmkin emes. AQSh jáne Izrail mamandarynyń aitýynsha, Ýhandaǵy laborotoriianyń qurylysyna 44 million dollar bólingen. Álemde 4-deńgeidegi mundai laborotoriia sanaýly ǵana. Bul Qytai úshin úlken aqsha. Degenmen, qoldan jasalynatyn virýsty jasap shyǵarýǵa kóp qurylǵynyń qajeti joq. Shaǵyn laborotoriia bolsa jetip jatyr.
AQSh mamandarynyń aitýynsha, 2002-2003 jyldary da osyndai qaýipti virýs taraǵan. Ol indet 800 adamnyń ómirin jalmaǵany belili. Sol sátte qytailyqtar álemde balamasy joq myqty meditsinalyq ortalyq salyp úlgergen. Bul joly da koronavirýs taraǵaly 20 kúnniń ishinde zamanaýi ortalyq salyp beretinin málim etti.
AQSh pen Iiraildiń barlaý qyzmetiniń mamandary Ýhan virýsologiia institýtynda jylan men jarqanatqa ártúrli deńgeide synaq jasap, sosyn erkindikke qoia bergen degen aqpar taratýda. «Ýhan laborotoriiasy memlekettik tapsyrystyń negizinde qupiia jaǵdaida biologiialyq qarý jasaǵan» degendi evreidiń barlaý qyzmeti de jasyrmai otyr. Soǵan qaraǵanda, búgingi koronavirýstyń kópshilikke zaýal keltirip otyrǵany beker emes siiaqty. Aita keteiik, Qytaidan taraǵan virýstan búgingi kúni júzden astam adam qaitys bolyp, 2762 adam zardap shekken.
