Londonda Ýimbldon týrniriniń jerebesi tartyldy, dep habarlaidy "Ult aqparat".
Qazaqstan tennis federatsiiasy málim etkendei, bul - biylǵy «Úlken dýlyǵa» jarysynyń úshinshisi.
Ýimbldon dodasy ótken jyly pandemiiaǵa bailanysty ótpei qalǵan bolatyn.
Týrnirdiń 2019 jylǵy chempiony, álemniń birinshi raketkasy, serbiialyq Novak Djokovich alǵashqy ainalymda ulybritaniialyq Djek Dreipermen kúsh synasady.
Álemniń 2-raketkasy, reseilik Daniil Medvedev germaniialyq Ian-Lennard Shtrýff, shveitsariialyq Rodjer Federer frantsiialyq Adrian Mannarinomen kezdesedi.
Álemniń 3-raketkasy, grekiialyq Stefanos Tsitsipas amerikalyq Frensis Tiafo, jarysta tórtinshi bolyp tirkelgen germaniialyq Aleksandr Zverev ulybritaniialyq Tallon Grikspýrmen kortqa shyǵady.
Jerebege sáikes qazaqstandyqtar Aleksandr Býblik pen Mihail Kýkýshkin ózara oinaityn boldy.
Osy aptada qos qazaqstandyq Istbýrn týrniriniń alǵashqy ainalymynda joldary toqailasyp, onda Aleksandr Býblik jeńgen edi.
