Qazaqstandyq ánshi Maqpal Isabekova sheteldegi demalysynan video jariialap, áleýmettik jeli qoldanýshylarynyń nazaryn aýdardy, dep habarlaidy ult.kz.

“SuperStar KZ” jobasy arqyly kópshilikke tanylǵan ánshi 6 qazanda Instagram paraqshasynda basseinde túsirilgen videosymen bólisken. Óner iesi jariialanymyna “Keremet sát” degen qysqa jazba qaldyrǵan.

Kadrlarda ánshi dene bitimin kórsetip, demalystaǵy sátterin bólisken. Jariialanymnan keiin oqyrmandar arasynda túrli pikir aityla bastady.

Birqatar jeli qoldanýshysy Maqpaldyń syrt kelbetine tánti bolyp, onyń óz-ózimen jumys istep, jattyǵýǵa ýaqyt bóletinin joǵary baǵalaǵan.

“Keremet dene bitimi. Adamnyń eńbektenip, armandaǵan nátijesine jetkeni unaidy”, “Siz keremetsiz! Úlken eńbek atqarǵanyńyz kórinip tur”, – dep jazǵan oqyrmandar.

Alaida pikir bildirýshilerdiń bári birdei ánshini qoldamaǵan. Keibir qoldanýshylar onyń mundai kadrlardy kópshilikke jariialaýyn orynsyz dep baǵalap, ashyq obrazyn synǵa alǵan. Pikirler arasynda ánshiniń ana retindegi mártebesin alǵa tartqandar da kezdesken.

Maqpal Isabekova kim?

Maqpal Isabekova – qazaqstandyq estrada ánshisi. Ol 1984 jyly 21 aqpanda dúniege kelgen. Óner iesi kópshilikke “SuperStar KZ” mýzykalyq jobasyna qatysqannan keiin keńinen tanyla bastady. Joba onyń shyǵarmashylyq jolyndaǵy mańyzdy kezeńderdiń birine ainalyp, jas ánshiniń úlken aýditoriiaǵa shyǵýyna múmkindik berdi.

Keiin Maqpal Isabekova jeke shyǵarmashylyǵyn jalǵastyryp, qazaqstandyq estradada óz ornyn qalyptastyrdy. Ár jyldary jańa ánder usynyp, kontsertter men túrli mýzykalyq jobalarǵa qatysty. Ánshi tyńdarmanǵa erekshe daýys mánerimen jáne sahnalyq obrazdarymen de tanymal.

Maqpal Isabekova shyǵarmashylyqtan bólek, áleýmettik jelide de belsendi. Ol paraqshasynda kúndelikti ómirinen, otbasynan, saiahattary men shyǵarmashylyq jumystarynan kadrlar jariialap otyrady. Sondai-aq sportpen ainalysyp, jattyǵýlary men dene kútimine qatysty sátterin oqyrmandarymen bólisedi.

Sońǵy jyldary ánshiniń jeke ómirine qatysty jańalyqtar da kópshiliktiń nazaryn aýdaryp keledi. Óner iesi ana atanyp, otbasylyq ómirindegi ózgerister týraly áleýmettik jeli arqyly bólisken. Soǵan qaramastan, ol shyǵarmashylyǵyn toqtatpai, mýzyka salasyndaǵy jumysyn jalǵastyryp keledi.

Búginde Maqpal Isabekova – otandyq shoý-bizneste uzaq jyldan beri óner kórsetip kele jatqan ánshilerdiń biri.