Ýganda elindegi Albert kólinde qaiyqtyń aýdarylýy saldarynan kem degende 30 adam sýǵa batyp ketti. Bul týraly ońtústikafrikalyq SABC radiostansasy habarlady.
«Oqiǵa 22 jeltoqsannyń keshinde oryn aldy. Bul kezde balyqshylar aýlaǵan balyqtaryn alyp, jaǵaǵa shyǵýǵa daiyndalyp jatqan. Qaiyqtyń ishinde 47 adam boldy, sondai-aq bazarda satýǵa arnalǵan balyq tasymaldanǵan. Ailaqqa jaqyndaǵan kezde, qaiyq aýdarylyp ketken», - dep málimdedi Rýnga kentindegi port qyzmetkeri Ashraf Oromo.
Onyń aitýynsha, 30 adam qaza tapqan, 12 adam qutqaryldy, qalǵandary iz-tússiz joǵalǵan.
Albert kóli Afrikada kólemi jaǵynan jetinshi orynda, Nil ózeniniń joǵary jaǵynyń sý júiesine kirip otyr. Ol Ýganda men Kongo Demokratiialyq Respýblikasynyń shekarasynda ornalasqan. Kóldiń uzyndyǵy – 160 shaqyrym, eni – 30 shaqyrym. Tereńdigi – 51 metr.
