ۋگاندا ەلٸندەگٸ البەرت كٶلٸندە قايىقتىڭ اۋدارىلۋى سالدارىنان كەم دەگەندە 30 ادام سۋعا باتىپ كەتتٸ. بۇل تۋرالى وڭتٷستٸكافريكالىق SABC راديوستانساسى حابارلادى.
«وقيعا 22 جەلتوقساننىڭ كەشٸندە ورىن الدى. بۇل كەزدە بالىقشىلار اۋلاعان بالىقتارىن الىپ, جاعاعا شىعۋعا دايىندالىپ جاتقان. قايىقتىڭ ٸشٸندە 47 ادام بولدى, سونداي-اق بازاردا ساتۋعا ارنالعان بالىق تاسىمالدانعان. ايلاققا جاقىنداعان كەزدە, قايىق اۋدارىلىپ كەتكەن», - دەپ مەلٸمدەدٸ رۋنگا كەنتٸندەگٸ پورت قىزمەتكەرٸ اشراف ورومو.
ونىڭ ايتۋىنشا, 30 ادام قازا تاپقان, 12 ادام قۇتقارىلدى, قالعاندارى ٸز-تٷسسٸز جوعالعان.
البەرت كٶلٸ افريكادا كٶلەمٸ جاعىنان جەتٸنشٸ ورىندا, نٸل ٶزەنٸنٸڭ جوعارى جاعىنىڭ سۋ جٷيەسٸنە كٸرٸپ وتىر. ول ۋگاندا مەن كونگو دەموكراتييالىق رەسپۋبليكاسىنىڭ شەكاراسىندا ورنالاسقان. كٶلدٸڭ ۇزىندىعى – 160 شاقىرىم, ەنٸ – 30 شاقىرىم. تەرەڭدٸگٸ – 51 مەتر.
