UFC uiymynda óner kórsetetin qazaqstandyq sportshy Shavkat Rahmonov (13-0) UFC Vegas 30 týrnirinde óner kórsetip, braziliialyq Mishel Prazeresti (26-3) jeńdi, - dep habarlaidy "Ult aqparat".
Bul aiqas Las-Vegas qalasynda ótip, 26 jastaǵy otandasymyzdyń jeńisimen aiaqtaldy.
Birinshi raýndta Rahmonov qarsylasyn baqylap, álsiz tustaryn anyqtady. Alǵashqy raýnd barysynda qazaqstandyq sportshy bir teikdaýn jasap, raýndty óz paidasyna aiaqtady.
Al ekinshi raýndta Shavkat óte belsendi bastap, qarsylasyn qylǵyndyryp tastady. Osylaisha ol UFC uiymyndaǵy ekinshi kezdesýinde jeńiske jetti.
