Amerikalyq MMA faiteri Kolbi Kovington UFC uiymynyń basshylyǵyn synǵa aldy, - dep habarlaidy BJPenn.com.
"UFC óz kásibin quldyq eńbektiń arqasynda dóńgeletip otyr. Olar sportshylarǵa aqsha tólegisi kelmeidi, sebebi olarǵa bizdiń kedei bolyp júrgenimiz tiimdi. Bizge oktagonǵa qaita qaita oralýǵa týra keledi jáne jylyna kem degende alty ret shyǵýǵa májbúrmiz", - dedi sportshy.
Kovngtonnyń aitýynsha, promoýshenge milliondaǵan dollar alyp kelgen, alaida ózi osy somanyń tek 2-3 paiyzyn ǵana alǵan. "Olar osy aqshanyń barlyǵyn qaltaǵa basqannan basqa eshteńe bilmeidi, al maǵan eshteńe qalmaidy", - dep túiindedi ol.
Kovington jartylai orta salmaqta óner kórsetedi. Ol osy salmaq dárejesinde UFC ýaqytsha titýlyn ielengen. Sporttyq mansabynda 16 kezdesý ótkizip, 15 ret jeńimpaz atanǵan. Sońǵy ret ol 4 tamyzda oktagonǵa shyǵyp UFC uiymynyń burynǵy chempiony Robbi Loýlerdi jeńdi.
