29 shildede UEFA Konferentsiia ligasy ekinshi irikteý satysynda qazaqstandyq «Tobyl» komandasy Horvatiianyń «Haidýk» klýbymen qarymta oiyn ótkizdi, dep habarlaidy "Ult aqparat".
Eske salsaq, eki komanda arasyndaǵy alǵashqy kezdesýde horvatiialyq klýb 2:0 esebimen basym túsken bolatyn. Sondyqtan qostanailyq klýb úshin búgin kem degende úsh gol aiyrmasymen jeńiske jetýi tiis edi.
Birinshi kezeńde eki komanda shabýyl shebine kóbirek shyqty. Dese de tablodaǵy esep ózgergen joq.
Ekinshi kezeńde «Tobyl» alǵa qarai umtyla tústi. Nátijesinde olardyń qatarynan 16-minýtta Dýshan Iovanchich esep ashty. Odan keiin qostanailyq klýbtyń shabýylshysy Igor Sergeev 61, 67-minýtta qos goldyń avtory atandy.
Osylaisha «Tobyl» 3:0 esebimen alda turǵan edi. Bul jarystyń kelesi satysyna shyǵýǵa jetkilikti bolatyn. Degenmen qarsylas klýb oiynshysy Emir Sahiti 94-minýtta bir gol soǵyp ketti. Nátijesinde eki oiynnyń nátijesimen esep 3:3 boldy. Oiyn overtaimǵa ulasty. Overtaimnyń 118-minýtynda Ashat Taǵybergen taǵy da «Tobyldy» alǵa shyǵardy.
Kezdesýde «Tobyl» qarsylasyn 4:1 esebimen jeńip, jarysty jalǵastyrýǵa múmkindik aldy. Endi olar 5 jáne 12 tamyz kúnderi Apollon» (Kipr) jáne «Jilina» (Slovakiia) jubynyń jeńimpazymen kezdesedi.
Aita ketsek, búgin UEFA Konferentsiia ligasy ekinshi irikteý satysynda Qaraǵandynyń «Shahteri» Rýmyniianyń FKSB (burynǵy ataýy «Stiaýa») klýbynan basym tústi.
