29 شٸلدەدە UEFA كونفەرەنتسييا ليگاسى ەكٸنشٸ ٸرٸكتەۋ ساتىسىندا قازاقستاندىق «توبىل» كومانداسى حورۆاتييانىڭ «حايدۋك» كلۋبىمەن قارىمتا ويىن ٶتكٸزدٸ, دەپ حابارلايدى "ۇلت اقپارات".
ەسكە سالساق, ەكٸ كوماندا اراسىنداعى العاشقى كەزدەسۋدە حورۆاتييالىق كلۋب 2:0 ەسەبٸمەن باسىم تٷسكەن بولاتىن. سوندىقتان قوستانايلىق كلۋب ٷشٸن بٷگٸن كەم دەگەندە ٷش گول ايىرماسىمەن جەڭٸسكە جەتۋٸ تيٸس ەدٸ.
بٸرٸنشٸ كەزەڭدە ەكٸ كوماندا شابۋىل شەبٸنە كٶبٸرەك شىقتى. دەسە دە تابلوداعى ەسەپ ٶزگەرگەن جوق.
ەكٸنشٸ كەزەڭدە «توبىل» العا قاراي ۇمتىلا تٷستٸ. نەتيجەسٸندە ولاردىڭ قاتارىنان 16-مينۋتتا دۋشان يوۆانچيچ ەسەپ اشتى. ودان كەيٸن قوستانايلىق كلۋبتىڭ شابۋىلشىسى يگور سەرگەەۆ 61, 67-مينۋتتا قوس گولدىڭ اۆتورى اتاندى.
وسىلايشا «توبىل» 3:0 ەسەبٸمەن الدا تۇرعان ەدٸ. بۇل جارىستىڭ كەلەسٸ ساتىسىنا شىعۋعا جەتكٸلٸكتٸ بولاتىن. دەگەنمەن قارسىلاس كلۋب ويىنشىسى ەمير ساحيتي 94-مينۋتتا بٸر گول سوعىپ كەتتٸ. نەتيجەسٸندە ەكٸ ويىننىڭ نەتيجەسٸمەن ەسەپ 3:3 بولدى. ويىن وۆەرتايمعا ۇلاستى. وۆەرتايمنىڭ 118-مينۋتىندا اسحات تاعىبەرگەن تاعى دا «توبىلدى» العا شىعاردى.
كەزدەسۋدە «توبىل» قارسىلاسىن 4:1 ەسەبٸمەن جەڭٸپ, جارىستى جالعاستىرۋعا مٷمكٸندٸك الدى. ەندٸ ولار 5 جەنە 12 تامىز كٷندەرٸ اپوللون» (كيپر) جەنە «جيلينا» (سلوۆاكييا) جۇبىنىڭ جەڭٸمپازىمەن كەزدەسەدٸ.
ايتا كەتسەك, بٷگٸن UEFA كونفەرەنتسييا ليگاسى ەكٸنشٸ ٸرٸكتەۋ ساتىسىندا قاراعاندىنىڭ «شاحتەرٸ» رۋمىنييانىڭ فكسب (بۇرىنعى اتاۋى «ستياۋا») كلۋبىنان باسىم تٷستٸ.
