UEFA Konferentsiia ligasy ekinshi irikteý satysynda qazaqstandyq «Shahter» komandasy Rýmyniianyń FKSB (burynǵy ataýy - «Stiaýa») klýbymen qarymta oiyn ótkizdi, dep habarlaidy "Ult aqparat".
Atalǵan klýb 1947 jyly qurylǵan. Komanda 1961-2017 jyldar aralyǵynda «Stiaýa» ataýymen jankúierlerge jaqsy tanys boldy. Óz elinde 26 márte chempion atanyp, rekordtyq kórsetkishke qol jetkizgen. Biyl olar kúmis júlde alyp, eýrokýbokta baq synaýǵa joldama ielendi.
Bir apta buryn Rýmyniiada ótken oiynda FKSB «Shahterden» 1:0 esebimen basym túsken. Sondyqtan qazaqstandyq klýbqa eki gol aiyrmasymen jeńiske jetý qajet bolatyn.
«Shahter» Erevanda ótken matchta "Stiaýany" jeńip, óz maqsatyna jetti. Esep - 2:1. Qarymta kezdesýde esepti 11-minýtta qorǵaýshy Mihail Gabyshev ashty. Al 76-minýtta "Stiaýa" oiynshysy Florinel Koman esepti teńestirgen.
Qosymsha ýaqytta Aidos Táttibaev "Stiaýa" qaqpasynan sańylaý taýyp, oiyn overtaimǵa kóshti. Sebebi Býharestte ótken birinshi kezdesýde 1:0 esebimen alań ieleri basym bolǵan. Penalti seriiasynda Igor Shatskiidiń bir seivi men penalti oryndaýshylardyń múlt ketpeýiniń arqasynda qaraǵandylyq ujym Konferentsiia ligasynyń úshinshi irikteý kezeńine joldama aldy.
Endi «Shahter» jarystyń úshinshi satysynda Ýkrainanyń «Kolos» komandasymen kezdesedi. Oiyndar 5 jáne 12 tamyz kúnderine belgilengen.
