UEFA كونفەرەنتسييا ليگاسى ەكٸنشٸ ٸرٸكتەۋ ساتىسىندا قازاقستاندىق «شاحتەر» كومانداسى رۋمىنييانىڭ فكسب (بۇرىنعى اتاۋى - «ستياۋا») كلۋبىمەن قارىمتا ويىن ٶتكٸزدٸ, دەپ حابارلايدى "ۇلت اقپارات".
اتالعان كلۋب 1947 جىلى قۇرىلعان. كوماندا 1961-2017 جىلدار ارالىعىندا «ستياۋا» اتاۋىمەن جانكٷيەرلەرگە جاقسى تانىس بولدى. ٶز ەلٸندە 26 مەرتە چەمپيون اتانىپ, رەكوردتىق كٶرسەتكٸشكە قول جەتكٸزگەن. بيىل ولار كٷمٸس جٷلدە الىپ, ەۋروكۋبوكتا باق سىناۋعا جولداما يەلەندٸ.
بٸر اپتا بۇرىن رۋمىنييادا ٶتكەن ويىندا فكسب «شاحتەردەن» 1:0 ەسەبٸمەن باسىم تٷسكەن. سوندىقتان قازاقستاندىق كلۋبقا ەكٸ گول ايىرماسىمەن جەڭٸسكە جەتۋ قاجەت بولاتىن.
«شاحتەر» ەرەۆاندا ٶتكەن ماتچتا "ستياۋانى" جەڭٸپ, ٶز ماقساتىنا جەتتٸ. ەسەپ - 2:1. قارىمتا كەزدەسۋدە ەسەپتٸ 11-مينۋتتا قورعاۋشى ميحايل گابىشەۆ اشتى. ال 76-مينۋتتا "ستياۋا" ويىنشىسى فلورينەل كومان ەسەپتٸ تەڭەستٸرگەن.
قوسىمشا ۋاقىتتا ايدوس تەتتٸباەۆ "ستياۋا" قاقپاسىنان ساڭىلاۋ تاۋىپ, ويىن وۆەرتايمعا كٶشتٸ. سەبەبٸ بۋحارەستتە ٶتكەن بٸرٸنشٸ كەزدەسۋدە 1:0 ەسەبٸمەن الاڭ يەلەرٸ باسىم بولعان. پەنالتي سەريياسىندا يگور شاتسكييدٸڭ بٸر سەيۆٸ مەن پەنالتي ورىنداۋشىلاردىڭ مٷلت كەتپەۋٸنٸڭ ارقاسىندا قاراعاندىلىق ۇجىم كونفەرەنتسييا ليگاسىنىڭ ٷشٸنشٸ ٸرٸكتەۋ كەزەڭٸنە جولداما الدى.
ەندٸ «شاحتەر» جارىستىڭ ٷشٸنشٸ ساتىسىندا ۋكراينانىڭ «كولوس» كومانداسىمەن كەزدەسەدٸ. ويىندار 5 جەنە 12 تامىز كٷندەرٸنە بەلگٸلەنگەن.
