Qazaqstandyq «Qairat» UEFA Konferentsiia ligasy toptyq kezeńine joldama aldy, dep habarlaidy "Ult aqparat".
Búgin «Qairat» Liýksembýrgtiń «Fola» komandasymen qarymta oiyn ótkizdi. Eki komanda arasyndaǵy alǵashqy kezdesýde almatylyq klýb syrt alańda qarsylasynan 4:1 esebimen basym túsken bolatyn.
Sondyqtan liýksembýrgtik klýbtyń búgingi kezdesýde eki oiyn boiynsha tarazy basyn teńestirýi qajet edi.
Oiyndy almatylyq klýb belsendi bastady. Nátijesinde 12-minýtta «Qairat» shabýylshysy Artýr Shýshenachev mergendik tanytyp, komandasyn alǵa shyǵardy. Al 28-minýtta Vagner Lav esepti ulǵaita tústi. Oiynnyń 36-minýtta Artýr Shýshenachev taǵy bir márte qanjyǵasyn mailady.
Budan keiin 43-minýtta «Fola» sapynan Mirza Mýstafich esep aiyrmasyn qysqartty.
Búgingi kezdesýde «Qairat» qarsylasynan 3:1 esebimen basym tústi. Osylaisha UEFA Konferentsiia ligasy toptyq kezeńine joldama aldy
Eske salsaq, «Qairat» aldymen Chempiondar ligasy birinshi irikteý satysynda Izraildiń «Makkabi Haifa» klýbynan (1:1, 2:0) basym tústi. Odan keiin Serbiianyń «Tsrvena Zvezda» klýbyna (2:1, 0:5) jol berip qoidy.
Eýropa ligasy úshinshi irikteý satysynda «Qairat» Armeniianyń «Alashkertine» (0:0, 2:3) ese jiberdi.
Sondai-aq, búgin UEFA Konferentsiia ligasy plei-off satysynda Qaraǵandynyń «Shahteri» syrt alańda Izraildiń «Makkabi Tel-Aviv» klýbymen kezdesedi.
Aita ketsek, UEFA Konferentsiia ligasynda elordalyq «Astana» jáne qostanailyq «Tobyl» komandalary synǵa túsken edi. Degenmen olar úshinshi irikteý satysynan asa alǵan joq.
