UEFA Konferentsiia ligasy plei-off satysynda qazaqstandyq «Qairat» alǵashqy oiynyn ótkizdi, dep habarlaidy "Ult aqparat".
Almatylyq klýb plei-off satysynda syrt alańda Liýksembýrgtiń «Fola» komandasymen kezdesti.
Oiynnyń alǵashqy kezeńinde eki komandanyń da gol soǵatyn birneshe múmkindigi bolǵan edi. Dese de fýtbolshylar qaqpany dál kózdei alǵan joq.
Kezdesýdiń 19-minýtynda alań ieleri qatarynan Mirza Mýstafich mergendik tanytqan edi. Budan keiin almatylyq klýb qatarynan úsh gol soǵyp ketti. Aldymen 28-minýtta Artýr Shýshenachev tarazy basyn teńestirdi. Odan keiin Vagner Lav 37, Rikardý Alvesh 43-minýttarda gol soǵyp, esepti ústemelei tústi. Al 70-minýtta Vagner Lav penaltiden múlt ketken joq.
Osylaisha «Qairat» qarsylasynan 4:1 esebimen basym tústi.
Eki komandanyń qarymta kezdesýi 26 tamyzda Almaty qalasynda ótkiziledi.
Aita keteiik, «Qairat» aldymen Chempiondar ligasy birinshi irikteý satysynda Izraildiń «Makkabi Haifa» klýbynan (1:1, 2:0) basym tústi. Odan keiin Serbiianyń «Tsrvena Zvezda» klýbyna (2:1, 0:5) jol berip qoidy.
Eýropa ligasy úshinshi irikteý satysynda «Qairat» Armeniianyń «Alashkertine» (0:0, 2:3) ese jiberdi.
