ÝEFA qostanailyq «Tobyl» fýtbol klýbynyń oiynshysy Rýslan Valiýllinge dopingke qarsy erejeni buzdy degen aiyp taqty, dep habarlaidy "Ult aqparat".
Otandyq fýtboldaǵy doping daýyna qatysty málimetti Qazaqstan fýtbol federatsiiasy rastady.
«Rýslan Valiýllin ushyraǵan doping daýynyń Qazaqstan fýtbol quramasyna qatysy joq, ol «Tobyldyń» oiynshysy jáne oqiǵa Ýkrainamen oiynǵa deiin bolǵan. Odan ári qalai bolatyny ázirge belgisiz, ÝEFA-nyń sheshimin kútemiz. Múmkin bir ai, múmkin odan da kóp», - dedi Qazaqstan fýtbol federatsiiasy baspasóz qyzmetiniń jetekshisi Ermuhamed Máýlen.
Atalǵan máselege qatysty «Tobyl» fýtbol klýby da resmi túsinikteme berdi.
«Tobyl» fýtbol klýby Rýslan Valiýllinniń dopingke qarsy erejelerdi buzý yqtimaldyǵyna bailanysty ÝEFA tarapynan tártiptik is qozǵalǵany týraly aqparat aldy. Barlyq aqparat klýb ishindegi quzyretti mamandarǵa jetkizildi, qazirgi ýaqytta tyiym salynǵan zattar fýtbolshy qanyna qalai engenin anyqtaý úshin ishki tekserý júrgizilip jatyr», - delingen resmi aqparatta.
Habarlamada aitylǵandai, Rýslan Valiýllin men atalǵan klýbtyń taǵy bir fýtbolshysy Sergei Malyidan doping synamasy «Jilina» – «Tobyl» matchynan keiin alynǵan.
«Synaq nátijesi fýtbolshynyń jeke poshtasyna 2 qyrkúiekte jiberildi. Ol ýaqytta fýtbolshy Qazaqstan quramasymen birge Finliandiiaǵa attanǵan bolatyn. Búginde klýb osy isti muqiiat zertteý maqsatynda Qazaqstan fýtbol federatsiiasynyń zańdy organdarymen únemi bailanysta ekenin jetkizedi», - dep túiindelgen habarlama.
Eske salaiyq, Valiýllin 2022 jylǵy álem chempionatynyń irikteý kezeńi aiasynda 1 qyrkúiekte "Astana-Arenada" ótken Ýkrainaǵa qarsy matchtiń basty qaharmany bolǵan. Oiynshynyń dýbli arqasynda Qazaqstan quramasy ýkraindarmen teń túsken - 2:2.
Oiynnan keiin fýtbolshy dýbldi jaqynda ómirden ótken ájesine arnaitynyn aitty.
