Búgin Shveitsariianyń Non qalasynda UEFA Eýropa ligasy toptyq kezeńiniń jerebesi tartylady, dep habarlaidy "Ult aqparat".
Oǵan qatysatyn 48 komanda tórt sebetke bólingen. Árbir topta synǵa túsetin klýbtar sol arqyly anyqtalady.
Alǵashqy sebette «Arsenal» (Angliia), «Baier» (Germaniia), «Tottenhem» (Angliia), «Roma» (Italiia), «Viliarreal» (Ispaniia), «Napoli» (Italiia), «Benfika» (Portýgaliia), PSV (Niderlandy), TsSKA (Resei), «Braga» (Portýgaliia), «Gent» (Belgiia), «Seltik» (Shotlandiia) komandalary bar.
Al ekinshi sebette «Dinamo» (Zagreb, Horvatiia), «Sparta» (Chehiia), «Lýdogorets» (Bolgariia), «Slaviia» (Chehiia), «Iang Boiz» (Shveitsariia), «Tsrvena Zvezda» (Serbiia), «Rapid» (Avstriia), «Lester» (Angliia), «Karabah» (Ázerbaijan), PAOK (Grekiia), «Standard» (Belgiia), «Real Sosedad» (Ispaniia) klýbtary ornalasqan.
Úshinshi sebetke «Granada» (Ispaniia), «Milan» (Italiia), «Feienoord» (Niderlandy), «Hoffenhaim» (Germaniia), AZ (Niderlandy), AEK (Grekiia), «Makkabi» (Tel-Aviv, Izrail), «Reindjers» (Shotlandiia), «Molde» (Norvegiia), LASK (Avstriia), «Hapoel» (Beer-Sheva, Izrail), ChFR «Klýj» (Rýmyniia) toptasty.
Tórtinshi sebetke «Lill» (Frantsiia), «Zaria» (Ýkraina), «Nitstsa» (Frantsiia), «Rieka» (Horvatiia), «Dandolk» (Irlandiia), «Slovan» (Chehiia), «Antverpen» (Belgiia), «Leh» (Polsha), «Sivasspor» (Túrkiia), «Volfsberger» (Avstriia),
«Omoniia» (Kipr), TsSKA (Sofiia, Bolgariia) klýbtary ornlasty.
Esterińizge sala ketelik, jerebe tartý rásimi elorda ýaqytymen 17.00-de bastalady. UEFA resmi saitynan tikelei kórsetilim bolady.
Toptyq kezeńniń alǵashqy oiyny 22 qazanda bastalady. Final 2021 jyldyń 26 mamyrynda Polshanyń Gdansk qalasyndaǵy «PGE Arena» stadionynda ótedi.
