Búgin UEFA videkonferentsiia formatynda otyrys ótkizip, koronavirýs pandemiiasyna bailanysty ýaqytsha toqtatylǵan fýtbol maýsymyn jalǵastyrýdyń eki jolyn qarastyrdy, dep habarlaidy "Ult aqparat" uiymnyń saityna silteme jasap.
Alǵashqy joly retinde Eýrokýbok jalǵasqanǵa deiin Ulttyq birinshilikterdi ótkizý usynylyp otyr. Taǵy bir joly – eki týrnirdi bir ýaqytta júrgize berý. Al Eýrokýbok oiyndaryn tamyz aiynda jalǵastyrý josparda bar. Eýropanyń kóptegen memleketterinde dop dodasy «kúz-kóktem» júiesi boiynsha júrgiziledi. Sondyqtan olardyń keibirinde ázirge irikteý jáne toptyq kezeńge joldama alǵan komandalar anyqtala qoiǵan joq.
Biyl Chempiondar ligasynda elordalyq «Astana» synǵa tússe, Eýropa ligasynda Almatynyń «Qairat», Shymkenttiń «Ordabasy» jáne Qyzylordanyń «Qaisar» komandalary oiyn kórsetedi.
Aita ketelik, 2019/2020 jylǵy Chempiondar ligasy men Eýropa ligasy 1/8 finalda toqtatyldy. Degenmen Chempiondar ligasynda tórt qatysýshy shirek finalǵa shyǵyp úlgerdi. Al Premer-liga komandalary arasyndaǵy el birinshiligi eki týrdan keiin ýaqytsha keiinge shegerildi.
