UEFA Chempiondar ligasynyń jartylai finalynda alǵashqy jup oiyny ótti, dep habarlaidy "Ult aqparat".
Onda «Real Madrid» (Ispaniia) pen «Chelsi» (Angliia) komandalary kezdesti.
Eki komanda buǵan deiin atalǵan týrnirde jolyqqan emes. 2016 jyly ótken Halyqaralyq chempiondar kýbogynda «Real Madrid» 3:2 esebimen basym túsken edi.
Oiyn barysynda qos komanda bir-birine laiyqty qarsylyq kórsetti. Tolassyz shabýylǵa iek artty.
Nátijesinde esepti alǵash bolyp 14-minýtta «Chelsi» sapynan Kristian Pýlishich ashty. Al 29-minýtta ispniialyq klýbtyń shabýylshysy Karim Benzema tarazy basyn teńestirdi.
Budan keiin gol soǵatyn birneshe múmkindik bolǵan edi. Degenmen tablodaǵy esep ózgerissiz qaldy. Kezdesý 1:1 esebimen teń aiaqtaldy.
Endi qarymta oiyn 5 mamyr kúni ótedi.
Sondai-aq, búgin, 28 sáýirde atalǵan týrnirde taǵy bir kezdesýde «Pari Sen-Jermen» (Frantsiia) men «Manchester Siti» (Angliia) komandalary sheberlik baiqasady.
