UEFA چەمپيوندار ليگاسىنىڭ جارتىلاي فينالىندا العاشقى جۇپ ويىنى ٶتتٸ, دەپ حابارلايدى "ۇلت اقپارات".
وندا «رەال مادريد» (يسپانييا) پەن «چەلسي» (انگلييا) كوماندالارى كەزدەستٸ.
ەكٸ كوماندا بۇعان دەيٸن اتالعان تۋرنيردە جولىققان ەمەس. 2016 جىلى ٶتكەن حالىقارالىق چەمپيوندار كۋبوگىندا «رەال مادريد» 3:2 ەسەبٸمەن باسىم تٷسكەن ەدٸ.
ويىن بارىسىندا قوس كوماندا بٸر-بٸرٸنە لايىقتى قارسىلىق كٶرسەتتٸ. تولاسسىز شابۋىلعا يەك ارتتى.
نەتيجەسٸندە ەسەپتٸ العاش بولىپ 14-مينۋتتا «چەلسي» ساپىنان كريستيان پۋليشيچ اشتى. ال 29-مينۋتتا يسپنييالىق كلۋبتىڭ شابۋىلشىسى كاريم بەنزەما تارازى باسىن تەڭەستٸردٸ.
بۇدان كەيٸن گول سوعاتىن بٸرنەشە مٷمكٸندٸك بولعان ەدٸ. دەگەنمەن تابلوداعى ەسەپ ٶزگەرٸسسٸز قالدى. كەزدەسۋ 1:1 ەسەبٸمەن تەڭ اياقتالدى.
ەندٸ قارىمتا ويىن 5 مامىر كٷنٸ ٶتەدٸ.
سونداي-اق, بٷگٸن, 28 سەۋٸردە اتالعان تۋرنيردە تاعى بٸر كەزدەسۋدە «پاري سەن-جەرمەن» (فرانتسييا) مەن «مانچەستەر سيتي» (انگلييا) كوماندالارى شەبەرلٸك بايقاسادى.
