ÝEFA resmi saitynyń habarlaýynsha, Odaq merzimi ótken kreditorlyq bereshegi úshin segiz klýbqa, onyń ishinde qazaqstandyq «Astanaǵa» da sanktsiia salǵan, dep jazady QazAqparat agenttigi Sports.kz portalyna silteme jasap.
Sóitip, elordalyq klýbqa 150 myń eýro aiyppul salyndy. Sonymen qatar, «Astanaǵa» úsh jylǵa deiingi merzimge eýropalyq jarystarǵa qatysýdan shettetý túrindegi shartty jaza taǵaiyndaldy, ol kúshine enedi jáne klýb 2022 jyldyń 31 qańtaryna deiin tólemdi tólemese, «shartty» prefiksin joǵaltady.
Esterińizge sala keteiik, «Astana» ótken maýsymda ekinshi oryn alyp, ÝEFA Konferentsiialar ligasynyń irikteý kezeńine qatysý quqyǵyn jeńip alǵan bolatyn.
