QR Bilim jáne ǵylym ministrligi Ulttyq testileý ortalyǵy áleýmettik jelide taraǵan UBT suraqtarynyń sýreti boiynsha quqyq qorǵaý organdaryna shaǵymdandy, dep habarlaidy QazAqparat tilshisi.
Bul týraly Ulttyq testileý ortalyǵy Ramazan Álimqulov Ortalyq kommýnikatsiialar qyzmetinde ótken baspasóz máslihatynda málim etti.
«Keibir BAQ biylǵy UBT suraqtary áleýmettik jelige tarap ketti dep aqparat jazdy. Bul boiynsha QR Ishki ister ministrligine hat joldadyq. Test tapsyrmalarynyń mazmuny, olardyń internette zańsyz taralýy boiynsha mán-jaidy anyqtaýdy suradyq. Endi olardyń resmi jaýabyn kútemiz», - dedi ortalyq basshysy.
Sondai-aq, testileýdiń alǵashqy úsh kúninde ereje buzǵan 3 mektep bitirýshi aýditoriiadan qýylǵan.
«Birinshi jaǵdaida mektep bitirýshi test kitapshasyn dárethanaǵa aparǵan jáne bir paraǵyn jyrtqan. Bul - óreskel zańbuzýshylyq bolyp sanalady. Ekinshi jaǵdaida mektep túlegi aýditoriiadan shyǵyp, mobildi bailanys ustaityn jerge baryp, uialy telefonmen sóilesken. Úshinshi bala da aýditoriiadan shyǵyp, durys jaýaptar kodyn alaqanyna jazǵan. Úsh oqiǵany da memlekettik komissiia ókilderi tirkeýge alyp, hattama toltyrdy, balalardyń jaýaptary joiyldy», - dedi R. Álimqulov.
