Tamyz aiynda aqyly negizde ótkiziletin Ulttyq biryńǵai testileýge ótinishter qabyldaý bastalady.
"Ótinishter jelilik joǵary oqý oryndarynda 25 shilde men 3 tamyz aralyǵynda qabyldanady", - dep jazylǵan Ulttyq testileý ortalyǵynyń saitynda.
Joǵary oqý ornyna aqyly negizde túsýge múmkindik beretin Ulttyq biryńǵai testileý 2019 jyldyń 17-20 tamyz aralyǵynda ótkiziledi. Baǵasy – 2242 teńge.
Aqyly UBT
Qazaqstanda 11 (12) - synyp túlekteriniń jylyna tórt ret UBT tapsyrýǵa múmkindigi bar, olardyń úsheýi aqyly negizde bolady.
-
15 qańtardan 20 qańtarǵa deiin (aqyly) - ótinishter 1-15 jeltoqsan aralyǵynda qabyldanady;
-
24 naýryzdan 29 naýryzǵa deiin (aqyly) - ótinishter 1-15 aqpan aralyǵynda qabyldanady;
-
20 maýsymnan 5 shildege deiin (tegin) - ótinishter 10 naýryzdan 10 mamyrǵa deiin qabyldanady;
-
17 tamyzdan 20 tamyzǵa deiin (aqyly) - ótinishter 25 shildeden 3 tamyzǵa deiin qabyldanady.
Testileýdi qańtar, naýryz jáne tamyz ailarynda sátti tapsyrǵan stýdentter joǵary oqý oryndaryna aqyly negizde túse alady. Al maýsym-shilde ailaryndaǵy testileý memlekettik bilim grantyn alýǵa múmkindik beredi.
2019 jyly 110 myńnan astam adam UBT tapsyrdy, olardyń 82 myńnan astamy 50 baldyq shekti deńgeiden ótti.
