UBT men synama testileý baldarynda nátije aýytqýy joǵary talapkerler qatań tekseriledi. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Ulttyq biryńǵai testileý aiaqtaldy. Jalpy, 145 myńnan astam talapker qatysyp, olarǵa 2 ret test tapsyrý múmkindigi berildi. Meniń oiymsha, buryn-sońǵy bolmaǵan, óte qolaily jaǵdai jasaldy dep aita alamyz. Tiimdilik jaǵyna keler bolsaq, balalar úshin óte yńǵaily format boldy. Buǵan qosa, akademiialyq adaldyq qaǵidalaryn saqtaý úshin de óte mańyzdy qadamǵa ainaldy. Endi tamyz aiyna deiin beinekameralar boiynsha zerdeleý jasalyp, eger táýekelder baiqalatyn bolsa, onda tiisti sheshim qabyldaýymyz kerek. Ótken jyly da mundai jumysty alǵash ret júrgizgen edik. Sonda biz bekitilgen talaptarǵa sáikes ózin ustamaǵany, erejelerdi buzǵany úshin biraz talapkerdiń nátijesin joidyq. Mysaly, naýryzda synama testileý boldy. Sol synama testileý baldary men UBT testileýdiń baldaryn salystyryp, 20 baldan kóp aýytqý bolsa, onda nátijelerinde osyndai aýytqý bar barlyq balanyń beinejazbalaryn bólek qaraimyz. Úlken zertteý ótkizemiz», - dedi Ashat Aimaǵambetov ministrliktiń apparat jinalysynda.
Onyń atap ótýinshe, synama testileý men UBT-da 20 ball aýytqý bolsa, onda bul táýekeldiń bar ekendigin bildiredi.
«Sondyqtan Ulttyq biryńǵai testileýge qatysty tiisti sheshim tamyz aiynda shyǵatyn bolady», - dedi ministr.
